PrioratÛs St. Michaelis in Cornubi constructio (Ex custumali PrioratÛs de Otterton, fol. 58).

Omnibus Sancte Dei ecclesie filiis notificare dignum duximus quod ecclesia beati Michaelis de Cornubia a venerabili Bernardo, ecclesie prefati archangeli de Periculo Maris abbate, in anno quo hominem exuit rex Henricus constructa, et in anno regis Stephani a religioso viro Roberto Exoniensi presule prestito abbate, qui presens aderat, id impetrante, Domino est consecrata. Idem vero abbas sagaci mente pertractans celestis militie principem locum eundem Deo ad serviendum et sibi ad inhabitandum delegisse, predicti pontificis consilio et comitis Raneri et baronum provincie suffragio, ut divinitati honor perpetuus impenderetur, officinas religioni idoneas construere et fratres xiii in honorem Christi Jhesu et apostolorum ejus, ut, videlicet, pro modulo suo in fide que per dilectionem operatur et spe in cultura vinee Domini Sabbaoth desudantis denarium mereretur retributionis, aggregare curavit; de redditibus ecclesie tam antiquitus datis quam a viris provincie in presentia sua ad hoc attributis victui eorum necessario sufficienter providens.

Constituit autem ut vel per se vel per alium e fratribus ecclesiam de Monte in Normannia qui ex abbatis loci ejusdem precepto prioris in Cornubia fungetur officio annis singulis invisere non negligat, et argenti marchas xvi finetenus reddat. Quod si constitutioni huic obviare, vel contra abbatem suum vel conventum in aliquo presumpserit contraire, de prioratu suo degradetur, et alius pro abbatis arbitrio et conventus abbatie consilio subrogetur. Si vero superbus fuerit et contumax et prelatis ecclesie de Monte in Normannia inobediens extiterit, omni participatione totius beneficii ecclesie totius dicte, omniumque ecclesiarum ipsi societate aliqua connexarum, excommunicationi se deleat. Frates quidem, qui in Cornubia sancte conversationis habitum susceperint, monochatus jura in Monte Tumba profitentes, benedictionem monastici ordinis ab abbate suo ibidem suscepturos se noverint, nisi forte ei in Cornubiam venienti eos illuc benedicere placuerit. Hoc itaque tam justa Dei dispensatione tamque virorum sapientum discretione patratum, quicunque sive princeps sive potestas aliquam infringere presumpserit, videlicet, monachorum numerum qui pro facultatum ampliatione, et ipse ampliandus est, imminuat, et jam dicti loci possessiones in usus alteros convertat, ipsum, in quantum nobis a Domino collata est potestas, anathematis innodamus vinculo et hujus retributionem sceleris a justo judice suscipiat in futuro. Quicunque autem possessiones easdem conservare et pro suarum modulo facultatum, quia valuit Zachee rerum suarum multa distributio, valuerunt etiam vidue minuta duo, et regnum Dei tantum valet quantum homines, augmentare curaverunt, omnium se orationum totiusque beneficii ecclesie beate Michaelis de Monte in Normannia participes esse sciant.

He sunt possessiones quas ex dono comitis Roberti de Mortenio ecclesia beati Michaelis de Cornubia tenet: Tremaine, ubi ad duas carucas terra sufficiens habetur: Trahorabohc, ubi ad tres; Listyavehet, ubi ad tres; Treganeis, ubi ad duas; Carmahelech, ubi ad duas. Adjacet terra preter pascua ad omnia animalia necessaria; que simul caruce xii faciunt.