Carta Roberti, Comitis, pro monachis S. Michaelis.

In nomine sanctae et individuae Trinitatis, Patris et Filii et Spiritus Sancti, amen. Ego Robertus Dei grati Moritonii comes, igne divini amoris succensus, notifico omnibus sanctae ecclesiae matris nostrae filiis, habens in bello sancti Michaelis vexillum, quoniam pro animae meae salute atque meae conjugis, seu pro salute, prosperitate, incolumitate Gulielmi gloriosissimi regis, atque pro adipiscendo vitae aeternae premio, do et concedo Montem Sancti Michaelis de Cornubia Deo et monachis ecclesiae Sancti Michaelis de Periculo Maris servientibus, cum dimidi terrae hidÂ, ita solutam et quietam ac liberam, ut ego tenebam, ab omnibus consuetudinibus querelis et placitis; et constituo etiam ut ipsi monachi, concedente domino meo rege, ibidem mercatum die quintae feriae habeant. Postea autem, ut certissimÈ comperi beati Michaelis meritis monachorumque suffragiis michi a Deo ex propri conjuge me filio concesso, auxi donum ipsi beato militiae celestis Principi, dedi et dono in Amaneth tres acras terrae, Trevelaboth videlicet, Lismanoch, Trequaners, Carmailoc, annuente piissimo domino meo Gulielmo rege cum Mathilde regin atque nobilibus illorum filiis Roberto comite, Gulielmo Rufo, Henrico adhuc puero, ita quietam ac liberam de omnibus placitis querelis atque forisfactis, ut de null re regiae justitiae monachi respondebunt nisi de solo homicidio. Hanc autem donationem feci ego Robertus comes Moritonii, quam concesserunt gloriosus rex Anglorum Willielmus atque regina et filii eorum, sub testimonio istorum.

Signum Willielmi regis ?. Signum reginae Mathildis ?. Roberti comitis ?. Willielmi Rufi filii regis ?. Henrici pueri ?. Roberti comitis Moritonii ?. Matildis Comitissae ?. Willielmi filii eorum ?. Signum Willielmi filii Osberni ?. Signum Rogeri de Monte-gomeri ?. Tossetini vicecomitis ?. Guarini ?. Turulfi ?.

Firmata atque roborata est hec carta, anno millessimo octuagesimo quinto ab incarnatione Domini indictione decim quartÂ, concurrente tertiÂ, lun octavÂ, apud Pevenesel.

Signum Liurici Essecestriae Episcopi ?.

Ego quidem Liuricus Dei dono Essecestriae episcopus, jussione et exhortatione domini mei reverentissimi Gregorii (VI) papae regisque nostri et reginae omniumque optimatum totius regni Angliae exhortatus ut ecclesiam beati Michaelis archangeli de Cornubia, utpote quae officio et ministerio angelico creditur atque comprobatur consecrari ac sanctificari, quatenus eam ab omni episcopali jure, potestate, seu subjectione liberarem atque exuerem, quod et facere totius cleri nostri consensu et hortatu non distuli, libero igitur eam et exuo ab omni episcopali dominatione, subjectione, inquietudine, et omnibus illis qui illam ecclesiam suis cum beneficiis et elemosinis expetierint, et visitaverint, tertiam partem penitentiarum condonamus. Et ut hoc inconcussum et immobile et etiam inviolabile fine tenus permaneat, ex authoritate Patris et Filii et Spiritus Sancti omnibus nostris successoribus interdicimus ne aliquid contra hoc decretum usurpare praesumant.

Signum ejusdem Liurici Essecestriae episcopi ?.