I. Wapapi Ak'not'mÂk'n'l.

Medcimiu p'kokni tohokyoltowuk; k'tciyawiu w'ski'tap epidcik wasis'k nespiw'sikyojik yut metci-mipniltimkil; nit etutc-al-ithuswin'k nek'meyu tepithotmo'tit tcewi ke'kw eleyu; eliyowuk tcewi eleyutetc na nekseyu. Nit etutci m'siu sise-p'tcitaketil kinwetwaswinti m'si-te elipit w'skitcin; ankwotc elk'wiyik saunisnuk; ankwotc w'tcip'nuk; k't'kik snutsekt'nuk; k't'kik k'skiyasnuk. P'tcio-te petciyik Wapna'kik. K'matc w'sipkikm'n yaka kes'wuk naka wew'tciyanya. Nit-te tama wejiwe'tit w't-iyawa w'skitc'no: "k'p'tciptoln'n w'li-ak'not'mÂk'n." Nit etlausitkw'ton kisi-putwuso li-kislut'muk. M'si-te tekepit w'skitcin kinwe'to nit k'tci lakutwÂk'n kitwitaso. M'siu w'skitcin nut'k ak'notmÂk'n; m'siu w'lit'hasu. M'siu w'siwatcyokony'l kat-kisilet-te kaum'k mat'nitin. Nit m'siu kesukmiksit op'dcitakan oputwuswin'm. Nit m'siu kesukmiksit op'tcitakan nisu kesena akwam'k oputwuswin'm natciwitcitak'wik k'tci lakutwÂk'n kesena k'tci maweputwuswÂk'n.

Nit m'siu kis-maweusetil; nit o-matce-tepithotm'nya ta nite w't-elokh'tinya. Ste'pal m'siu siwatcyoko'tit eli-wap'li-p'mau'sit. Yok't k'tci sak'mak w't-iyana k't'kihi: "yut elapim'k asit-wetcosyo'kw k'n'mi'tunen eli-p'kaknapt'wuk; k'n'mi'tonenw'l kesek ewaplikil; yut'l p'kaknikil t'm'hÎk'nsis'l-lo naka tapyik t'pa'kwyil tcewi-puskenosw'l oskeniu." Nit-te m'siu w't'li-kislutm'nya w't'lakutinya. Nit w't-akinwi-ponm'nya kis'k etutci-putwusi'tit. Nit liwetasu tcikte wikwam. Yot w'kesekm'nya etasi-kiskakil katama-lo wen k'losiu. M'si-te putwuswin tcewit-lithasu tanetc w't-itm'n; tan etutci litutit t'pask'swÂk'n'l; m'si-te w'tepithotm'nya tanetc-li kisi-tcenetaso man'tim'k; kwuni tcikpultowuk lo; pem-lokemkil.