Ut hoc schema grandius ac distinctius esset, ejus medietatem dumtaxat suscepi delineandam. PN est vestigium geometricum. M est solidus paries. OO spatia columnarum. In H sunt crepidines coronicis. Elevatio geometrica latitudinis Ædificii constat epistylio T, zophoro L, & coron V, supra quam eminet fastigium S.

Jam ut inveniatur centrum arcuum, distantiÆ AV fiat Æqualis distantia AC. Positaque una cuspide circini in C, alia extendatur usque ad V: ita fient arcus, quorum ultimus est BD, omnesque sunt concentrici. Elevatio F ostendit longitudinem Ædificii ex parte GI; elevatio E ostendit longitudinem ipsius ex parte DR.