Si tibi Pictor quum sis, occasione apparatÛs quadraginta horarum, vel sepulcri Domini, mutare ad tempus libeat formam architecturÆ alicujus EcclesiÆ jungendo fictum cum vero, ut mihi sÆpius contigit Mediolani ac RomÆ, cum ingenti spectatorum delectatione & admiratione; paucis ostendam tibi modum quem servare debeas in operando.

Sectio coronicis verÆ, quÆ, ut suppono, videri debet continua esse cum coronice picta in telario, est A; elevatio geometrica coronicis, & reliquorum quÆ delineanda sunt, est B; vestigium geometricum est C. PorrÒ, tum vestigium tum elevatio longitudinis opticÈ contrahentur more consueto, ut vides in C & B: ex iisque formabitur in telario coronix nitida cum columna & anta; ipsumque telarium depictum, normaliter coagmentandum erit verÆ coronici.

Ut fiat ea pars longitudinis, quÆ coronicem pictam continuare videatur cum vera, & erui non potest ex elevatione deformata; oportet sectionem A transferre in D, ducendo visuales ex punctis terminativis membrorum sectionis D, usque dum occurrant lineis latitudinis eorundem membrorum. Quod si colores in telarium scitÈ inducantur, angulus in E, quamvis merÈ depictus, videbitur verus; & ex adverso, anguli quos telarium ipsum depictum facit cum diversis adeÒ crepidinibus coronicis verÆ, nusquam apparebunt, prÆterquÀm in quadra simÆ dumtaxat; & unio architecturÆ verÆ cum ficta dignosci non poterit.