Claritatis grati totum laquear divisum est in quatuor partes. Prima continet contractionem vestigii & elevationis, quÆ perficiuntur methodo consueta. Nam linea AOV est horizontalis, BC est linea plani. Punctum oculi est O, distantiÆ E. Secunda pars continet sectionem L, quÆ dat projecturas mutulorum aliarumque partium, desumendas ex sectione D figurÆ octogesimÆseptimÆ, deformando eam in angulis B & C. Tertia pars complectitur delineationem integram sine umbris: ultima pars eandem complectitur cum umbris.

Ob punctum distantiÆ parum remotum À puncto oculi, nimiam amplitudinem ac deformem apparentiam habere videtur hÆc delineatio. Nihilominus, si ex distantia EO figuram suspexeris, omnis deformitas evanescet.

Ut fucus imperitis fiat, industrii Pictoris interest parare sibi geminum exemplar suorum Operum, in quibus distantia sit nimis brevis; unum videlicet palam ostendendum, in quo punctum distantiÆ sit remotum À puncto oculi, quantum necesse est ad vitandam omnem deformitatem. Alterum verÒ, in ipsomet Opere clam usurpandum.

Si pingendÆ sint testudines, oportet prius facere in eis reticulationem peculiarem; quÆ quia difficilis est, & paucis explicari nequit, in aliud Opus reservatur.