Constitueram huic Libro finem imponere figur nonagesimasecunda; nihilominus ut satisfaciam precibus amicorum, cupientium addiscere modum reticulationis opticÆ, quÆ adhibetur in superficiebus irregularibus, ejusque memini figur octogesima octava, publici juris facere decrevi ejus construendÆ methodum. Ipsiusmet retis ope delineavi non solÙm Ædificium mox reprÆsentandum, sed etiam figuras omnes testudinis templi Ludovisiani, in qua pingenda nunc occupor. Eademque reticulatione, quÆ erit ultima figura hujus Libri, dabimus Operi nostro suum complementum; quum nulla sit superficies, in qua suas delineationes juxta PerspectivÆ regulas, earum rerum Studiosi absolvere nequeant.

Exhibet hÆc figura vestigium totius templi. Quamvis enim non indigeam nisi testudine inter januam maximam & tholum; proderit nihilominus ArchitecturÆ Studiosis, universi Operis elegantiam ac symmetriam per otium contemplari.