"BONNIE WEE THING"

Previous
Bonnie wee thing! cannie wee thing!
Lovely wee thing! wert thou mine,
I wad wear thee in my bosom,
Lest my jewel I should tine.
Wishfully I look, and languish
In that bonnie face o' thine;
And my heart it stounds wi' anguish,
Lest my wee thing be na mine.
Wit and grace, and love and beauty,
In ae constellation shine;
To adore thee is my duty,
Goddess o' this soul o' mine!
Bonnie wee thing, cannie wee thing,
Lovely wee thing, wert thou mine,
I wad wear thee in my bosom,
Lest my jewel I should tine.
Robert Burns [1759-1796]

                                                                                                                                                                                                                                                                                                           

Clyx.com


Top of Page
Top of Page