  Make we myrth, For Crystes byrth, And syng we ?ole tyl Candelmes. T THE fyrst day of ?ole have we in mynd, How God was man born of owre kynd; For he the bondes wold onbynd Of all owre synnes and wykednes. The secund day we syng of Stevene, That stoned and steyyd up even To God that he saw stond in hevyn, And crounned was for hys prouesse. The iij day longeth to sent Johan, That was Cristys darlyng, derer non, Whom he betok, whan he shuld gon, Hys moder der for hyr clennesse. The iiij day of the chyldren ?ong, That Herowd to deth had do with wrong, And Crist thei coud non tell with tong, But with ther blod bar hym wytnesse. The v day longeth to sent Thomas, That, as a strong pyller of bras, Held up the chyrch, and sclayn he was, The viij day tok Jhesu hys name, That saved mankynd fro syn and shame, And circumsysed was for no blame, But for ensample of meknesse. The xij day offerd to hym kynges iij, Gold, myr, and cense, thes gyftes free, For God, and man, and kyng was he, Thus worschyppyd thei his worthynes. On the xl day cam Mary myld, Unto the temple with hyr chyld, To shew hyr clen that never was fylyd, And therwith endyth Crystmes. |
|
