Fadyr and Son togedyr in oon,

Holy Goste, as ye be oon,

I wolde yow synge for and I myg?hgt,

Off a chylde ys fayre in syghg?t,

Hys modyr hym bare thys yndyrs nygh?t

And as yt was hys wylle-a.

There cam iij kynges fro Galylee

Into Bethleem, that fayre cytee,

To seke hym that ever shulde be

Lorde and kynge and knygh?t-a.

As they cam forth with there offrynge,

They met with Herode that mody kynge,

And thys to them he sayde-a.

“Off wens be ye, yow kynges iij.?

Off the Este, as ye may see,

To seke hym that ever shulde be

Lorde and kynge and knygh?t-a.”

“Wen yow at thys chylde have be,

Cum home a?eyne by me,

Tell me the sygh?tes that yow have see,

They toke her leve both olde and yonge

Off Herode that mody kynge;

They went forth with there offrynge

By the sterre that shoone so brygh?t-a.

Tyll they cam in to the place

There Jhesu and hys modyr was,

Offryd they up with grete solace

Golde and sence and myrre-a.

The fadyr of hevyn an awngylle down sent,

To thyke iij kynges that made presente

And thys to them he sayd-a.

“My lorde have warnyd yow everychone,

By Herode kynge yow go not home;

For and yow do, he wylle you slone

And hurte yow wondyrly-a.”

Forthe them wente thys kynges iij,

Tylle they cam home to there cuntrÉ

Glade and blyth they were alle iij,

Off the sygh?tes that they had see,

Knele we now here a-down,

Pray we in good devocioun

To the kynge of grete renown,

In hevyn to have a place-a.