  An accomplished antiquary, and writer of verses, William Dobie was born in 1790, in the village of Beith, Ayrshire. Educated at the parish school, he was in his thirteenth year apprenticed to a mechanical profession. At the close of his apprenticeship, he commenced business in his native district. In 1822, the munificence of a wealthy relative enabled him to retire from his occupation, which had proved unsuitable to his tastes. For several years he resided in London. He subsequently made a tour through Britain, and visited the Continent. His "Perambulations in Kintyre," a manuscript volume, is frequently quoted by Mr Cosmo Innes, in his "Origines Parochiales ScotiÆ," a valuable work printed for the Bannatyne Club. In 1840 he prepared a history of the parish of Kilbirnie, for the "New Statistical Account." He afterwards published an account of the church and churchyard of Kilbirnie, in an interesting pamphlet. Recently Mr Dobie has superintended the erection of a monument to Sir William Wallace, on Barnweil Hill, near Kilmarnock, which has been reared at the entire cost of William Patrick, Esq., of Roughwood. The greater number of the many spirited inscriptions on the monument are the composition of Mr Dobie.
THE DREARY REIGN OF WINTER 'S PAST. Air—'Loch Errochside.' Air—"Paddy's Wedding." I lately lived in quiet ease,
An' never wish'd to marry, O!
But when I saw my Peggy's face,
I felt a sad quandary, O!
Though wild as ony Athol deer,
She has trepann'd me fairly, O!
Her cherry cheeks an' e'en sae clear
Torment me late an' early, O!
O, love, love, love!
Love is like a dizziness,
It winna let a poor body
Gang about his business!
To tell my feats this single week,
Would mak' a daft-like diary, O!
I drave my cart outow'r a dike,
My horses in a miry, O!
I wear my stockings white an' blue,
My love 's sae fierce an' fiery, O!
I drill the land that I should plough,
An' plough the drills entirely, O!
O, love, love, love! &c.
Ae morning, by the dawn o' day,
I rose to theek the stable, O!
I keust my coat an' plied away
As fast as I was able, O!
I wrought that morning out an' out,
As I 'd been redding fire, O!
When I had done an' look'd about,
Gude faith, it was the byre, O!
O, love, love, love! &c.
Her wily glance I 'll ne'er forget,
The dear, the lovely blinkin' o't
Has pierced me through an' through the heart,
An' plagues me wi' the prinklin' o't.
I tried to sing, I tried to pray,
I tried to drown 't wi' drinkin' o't,
I tried wi' sport to drive 't away,
But ne'er can sleep for thinkin' o't.
O, love, love, love! &c.
Nae man can tell what pains I prove,
Or how severe my pliskie, O!
I swear I 'm sairer drunk wi' love
Than e'er I was wi' whisky, O!
For love has raked me fore an' aft,
I scarce can lift a leggie, O!
I first grew dizzy, then gaed daft,
An' soon I 'll dee for Peggy, O!
O, love, love, love!
Love is like a dizziness,
It winna let a poor body
Gang about his business!
O, WEEL BEFA' THE MAIDEN GAY.[58] O, weel befa' the maiden gay,
In cottage, bught, or penn,
An' weel befa' the bonny May
That wons in yonder glen;
Wha loes the modest truth sae weel,
Wha 's aye kind, an' aye sae leal,
An' pure as blooming asphodel
Amang sae mony men.
O, weel befa' the bonny thing
That wons in yonder glen!
'Tis sweet to hear the music float
Along the gloaming lea;
'Tis sweet to hear the blackbird's note
Come pealing frae the tree;
To see the lambkins lightsome race—
The speckled kid in wanton chase—
The young deer cower in lonely place,
Deep in her flowing den;
But sweeter far the bonny face
That smiles in yonder glen!
O, had it no' been for the blush
O' maiden's virgin flame,
Dear beauty never had been known,
An' never had a name;
But aye sin' that dear thing o' blame
Was modell'd by an angel's frame,
The power o' beauty reigns supreme
O'er a' the sons o' men;
But deadliest far the sacred flame
Burns in a lonely glen!
There 's beauty in the violet's vest—
There 's hinney in the haw—
There 's dew within the rose's breast,
The sweetest o' them a'.
The sun will rise an' set again,
An' lace wi' burning goud the main—
The rainbow bend outow'r the plain,
Sae lovely to the ken;
But lovelier far the bonny thing
That wons in yonder glen!
THE FLOWERS OF SCOTLAND. Air—"The Blue Bells of Scotland." What are the flowers of Scotland,
All others that excel—
The lovely flowers of Scotland,
All others that excel?
The thistle's purple bonnet,
And bonny heather-bell,
O, they 're the flowers of Scotland,
All others that excel!
Though England eyes her roses
With pride she 'll ne'er forego,
The rose has oft been trodden
By foot of haughty foe;
But the thistle in her bonnet blue,
Still nods outow'r the fell,
And dares the proudest foeman
To tread the heather-bell.
For the wee bit leaf o' Ireland,
Alack and well-a-day!
For ilka hand is free to pu'
An' steal the gem away.
But the thistle in her bonnet blue
Still bobs aboon them a';
At her the bravest darena blink,
Or gie his mou' a thraw.
Up wi' the flowers o' Scotland,
The emblems o' the free,
Their guardians for a thousand years,
Their guardians still we 'll be.
A foe had better brave the deil,
Within his reeky cell,
Than our thistle's purple bonnet,
Or bonny heather-bell.
LASS, AN' YE LO'E ME, TELL ME NOW.[59] "Afore the muircock begin to craw,
Lass, an' ye lo'e me, tell me now,
The bonniest thing that ever ye saw,
For I canna come every night to woo."
"The gouden broom is bonny to see,
An' sae is the milk-white flower o' the haw,
The daisy's wee freenge is sweet on the lea,
But the bud of the rose is the bonniest of a'."
"Now, wae light on a' your flow'ry chat,
Lass, an' ye lo'e me, tell me now;
It 's no the thing that I would be at,
An' I canna come every night to woo!
The lamb is bonny upon the brae,
The leveret friskin' o'er the knowe,
The bird is bonny upon the tree—
But which is the dearest of a' to you?"
"The thing that I lo'e best of a',
Lass, an' ye lo'e me, tell me now;
The dearest thing that ever I saw,
Though I canna come every night to woo,
Is the kindly smile that beams on me,
Whenever a gentle hand I press,
And the wily blink frae the dark-blue e'e
Of a dear, dear lassie that they ca' Bess."
"Aha! young man, but I cou'dna see,
What I lo'e best I 'll tell you now,
The compliment that ye sought frae me,
Though ye canna come every night to woo;
Yet I would rather hae frae you
A kindly look, an' a word witha',
Than a' the flowers o' the forest pu',
Than a' the lads that ever I saw."
"Then, dear, dear Bessie, you shall be mine,
Sin' a' the truth ye hae tauld me now,
Our hearts an' fortunes we 'll entwine,
An' I 'll aye come every night to woo;
For O, I canna descrive to thee
The feeling o' love's and nature's law,
How dear this world appears to me
Wi' Bessie, my ain for good an' for a'!"
PULL AWAY, JOLLY BOYS! Here we go upon the tide,
Pull away, jolly boys!
With heaven for our guide,
Pull away!
Here 's a weather-beaten tar,
Britain's glory still his star,
He has borne her thunders far,
Pull away, jolly boys!
To your gallant men-of-war,
Pull away!
We 've with Nelson plough'd the main,
Pull away, jolly boys!
Now his signal flies again,
Pull away!
Brave hearts, then let us go
To drub the haughty foe,
Who once again shall know,
Pull away, gallant boys!
That our backs we never shew,
Pull away!
We have fought and we have sped,
Pull away, gallant boys!
Where the rolling wave was red,
Pull away!
We 've stood many a mighty shock,
Like the thunder-stricken oak,
We 've been bent, but never broke,
Pull away, gallant boys!
We ne'er brook'd a foreign yoke,
Pull away!
Here we go upon the deep,
Pull away, gallant boys!
O'er the ocean let us sweep,
Pull away!
Round the earth our glory rings,
At the thought my bosom springs,
That whene'er our pennant swings,
Pull away, gallant boys!
Of the ocean we 're the kings,
Pull away!
O, SAW YE THIS SWEET BONNY LASSIE O' MINE? O, saw ye this sweet bonny lassie o' mine,
Or saw ye the smile on her cheek sae divine;
Or saw ye the kind love that speaks in her e'e?
Sure naebody e'er was so happy as me!
It 's no that she dances sae light on the green,
It 's no the simplicity mark'd in her mien;
But O, it 's the kind love that speaks in her e'e,
That makes me as happy as happy can be.
To meet her alane 'mang the green leafy trees,
When naebody kens, an' when naebody sees;
To breathe out the soul of a saft melting kiss—
On earth here there 's naething is equal to this!
I have felt every bliss which the soul can enjoy,
When friends circled round me, and nought to annoy;
I have felt every joy that illumines the breast,
When the full flowing bowl is most warmly caress'd:
But O, there 's a sweet and a heavenly charm
In life's early day, when the bosom is warm;
When soul meets wi' soul in a saft melting kiss—
On earth sure there 's naething is equal to this!
THE AULD HIGHLANDMAN. Hersell pe auchty years and twa,
Te twenty-tird o' May, man;
She twell amang te Heelan hills,
Ayont the reefer Spey, man.
Tat year tey foucht the Sherra-muir,
She first peheld te licht, man;
Tey shot my father in tat stoure—
A plaguit, vexin' spite, man.
I 've feucht in Scotland here at hame,
In France and Shermanie, man;
And cot tree tespurt pluddy oons,
Beyond te 'Lantic sea, man.
But wae licht on te nasty cun,
Tat ever she pe porn, man;
Phile koot klymore te tristle caird,
Her leaves pe never torn, man.
Ae tay I shot, and shot, and shot,
Phane'er it cam my turn, man;
Put a' te force tat I could gie,
Te powter wadna purn, man.
A filty loon cam wi' his cun,
Resolvt to to me harm, man;
And wi' te tirk upon her nose,
Ke me a pluddy arm, man.
I flang my cun wi' a' my micht,
And felt his nepour teit, man;
Tan drew my swort, and at a straik
Hewt aff te haf o 's heit, man.
Be vain to tell o' a' my tricks;
My oons pe nae tiscrace, man;
Ter no pe yin pehint my back,
Ter a pefore my face, man.
AH, PEGGIE, SINCE THOU 'RT GANE AWAY![60] Ah, Peggie! since thou 'rt gane away,
An' left me here to languish,
I canna fend anither day
In sic regretfu' anguish.
My mind 's the aspen i' the vale,
In ceaseless waving motion;
'Tis like a ship without a sail,
On life's unstable ocean.
I downa bide to see the moon
Blink owre the glen sae clearly;
Aince on a bonnie face she shone—
A face that I lo'ed dearly!
An' when beside yon water clear,
At e'en I 'm lanely roaming,
I sigh an' think, if ane was here,
How sweet wad fa' the gloaming!
When I think o' thy cheerfu' smile,
Thy words sae free an' kindly,
Thy pawkie e'e's bewitching wile,
The unbidden tear will blind me.
The rose's deepest blushing hue
Thy cheek could eithly borrow,
But ae kiss o' thy cherry mou'
Was worth a year o' sorrow.
Oh! in the slippery paths of love,
Let prudence aye direct thee;
Let virtue every step approve,
An' virtue will respect thee.
To ilka pleasure, ilka pang,
Alak! I am nae stranger;
An' he wha aince has wander'd wrang
Is best aware o' danger.
May still thy heart be kind an' true,
A' ither maids excelling;
May heaven distil its purest dew
Around thy rural dwelling.
May flow'rets spring an' wild birds sing
Around thee late an' early;
An' oft to thy remembrance bring
The lad that loo'd thee dearly.
GANG TO THE BRAKENS WI' ME. I 'll sing of yon glen of red heather,
An' a dear thing that ca's it her hame,
Wha 's a' made o' love-life thegither,
Frae the tie o' the shoe to the kaime,
Love beckons in every sweet motion,
Commanding due homage to gie;
But the shrine o' my dearest devotion
Is the bend o' her bonny e'ebree.
I fleech'd an' I pray'd the dear lassie
To gang to the brakens wi' me;
But though neither lordly nor saucy,
Her answer was—"Laith wad I be!
I neither hae father nor mither,
Sage counsel or caution to gie;
An' prudence has whisper'd me never
To gang to the brakens wi' thee."
"Dear lassie, how can ye upbraid me,
An' try your ain love to beguile?
For ye are the richest young lady
That ever gaid o'er the kirk-stile.
Your smile that is blither than ony,
The bend o' your cheerfu' e'ebree,
An' the sweet blinks o' love there sae bonny,
Are five hunder thousand to me!"
She turn'd her around an' said, smiling,
While the tear in her blue e'e shone clear,
"You 're welcome, kind sir, to your mailing,
For, O, you have valued it dear:
Gae make out the lease, do not linger,
Let the parson indorse the decree;
An' then, for a wave of your finger,
I 'll gang to the brakens wi' thee!"
There 's joy in the bright blooming feature,
When love lurks in every young line;
There 's joy in the beauties of nature,
There 's joy in the dance and the wine:
But there 's a delight will ne'er perish,
'Mang pleasures all fleeting and vain,
And that is to love and to cherish
The fond little heart that's our ain!
LOCK THE DOOR, LARISTON. Lock the door, Lariston, lion of Liddisdale,
Lock the door, Lariston, Lowther comes on,
The Armstrongs are flying,
Their widows are crying,
The Castletown's burning, and Oliver's gone;
Lock the door, Lariston,—high on the weather gleam,
See how the Saxon plumes bob on the sky,
Yeoman and carbineer,
Billman and halberdier;
Fierce is the foray, and far is the cry.
Bewcastle brandishes high his broad scimitar,
Ridley is riding his fleet-footed grey,
Hedley and Howard there,
Wandale and Windermere,—
Lock the door, Lariston, hold them at bay.
Why dost thou smile, noble Elliot of Lariston?
Why do the joy-candles gleam in thine eye?
Thou bold Border ranger
Beware of thy danger—
Thy foes are relentless, determined, and nigh.
Jock Elliot raised up his steel bonnet and lookit,
His hand grasp'd the sword with a nervous embrace;
"Ah, welcome, brave foemen,
On earth there are no men
More gallant to meet in the foray or chase!
Little know you of the hearts I have hidden here,
Little know you of our moss-troopers' might,
Lindhope and Sorby true,
Sundhope and Milburn too,
Gentle in manner, but lions in fight!
"I 've Margerton, Gornberry, Raeburn, and Netherby,
Old Sim of Whitram, and all his array;
Come, all Northumberland,
Teesdale and Cumberland,
Here at the Breaken Tower end shall the fray."
Scowl'd the broad sun o'er the links of green Liddisdale,
Red as the beacon-light tipp'd he the wold;
Many a bold martial eye
Mirror'd that morning sky,
Never more oped on his orbit of gold!
Shrill was the bugle's note, dreadful the warrior shout,
Lances and halberts in splinters were borne;
Halberd and hauberk then
Braved the claymore in vain,
Buckler and armlet in shivers were shorn.
See how they wane, the proud files of the Windermere,
Howard—ah! woe to thy hopes of the day!
Hear the wide welkin rend,
While the Scots' shouts ascend,
"Elliot of Lariston, Elliot for aye!"
I HAE NAEBODY NOW. I hae naebody now, I hae naebody now
To meet me upon the green,
Wi' light locks waving o'er her brow,
An' joy in her deep blue e'en;
Wi' the raptured kiss an' the happy smile,
An' the dance o' the lightsome fay,
An' the wee bit tale o' news the while
That had happen'd when I was away.
I hae naebody now, I hae naebody now
To clasp to my bosom at even,
O'er her calm sleep to breathe the vow,
An' pray for a blessing from heaven.
An' the wild embrace, an' the gleesome face
In the morning, that met my eye,
Where are they now, where are they now?
In the cauld, cauld grave they lie.
There 's naebody kens, there 's naebody kens,
An' O may they never prove,
That sharpest degree o' agony
For the child o' their earthly love—
To see a flower in its vernal hour
By slow degrees decay,
Then, calmly aneath the hand o' death,
Breathe its sweet soul away.
O, dinna break, my poor auld heart!
Nor at thy loss repine,
For the unseen hand that threw the dart
Was sent frae her Father and thine;
Yet I maun mourn, an' I will mourn,
Even till my latest day;
For though my darling can never return,
I can follow the sooner away.
THE MOON WAS A-WANING. The moon was a-waning,
The tempest was over;
Fair was the maiden,
And fond was the lover;
But the snow was so deep,
That his heart it grew weary,
And he sunk down to sleep,
In the moorland so dreary.
Soft was the bed
She had made for her lover,
White were the sheets
And embroider'd the cover;
But his sheets are more white,
And his canopy grander,
And sounder he sleeps
Where the hill foxes wander.
Alas, pretty maiden,
What sorrows attend you!
I see you sit shivering,
With lights at your window;
But long may you wait
Ere your arms shall enclose him,
For still, still he lies,
With a wreath on his bosom!
How painful the task,
The sad tidings to tell you!—
An orphan you were
Ere this misery befell you;
And far in yon wild,
Where the dead-tapers hover,
So cold, cold and wan
Lies the corpse of your lover!
GOOD NIGHT, AND JOY. The year is wearing to the wane,
An' day is fading west awa',
Loud raves the torrent an' the rain,
And dark the cloud comes down the shaw;
But let the tempest tout an' blaw
Upon his loudest winter horn,
Good night, and joy be wi' you a',
We 'll maybe meet again the morn!
O, we hae wander'd far and wide
O'er Scotia's hills, o'er firth an' fell,
An' mony a simple flower we 've cull'd,
An' trimm'd them wi' the heather-bell!
We 've ranged the dingle an' the dell,
The hamlet an' the baron's ha',
Now let us take a kind farewell,—
Good night, an' joy be wi' you a'!
Though I was wayward, you were kind,
And sorrow'd when I went astray;
For O, my strains were often wild,
As winds upon a winter day.
If e'er I led you from the way,
Forgie your Minstrel aince for a';
A tear fa's wi' his parting lay,—
Good night, and joy be wi' you a'!
|
  |
