The author of a small volume of very meritorious poems and lyrics, Thomas Elliott is descended from a branch of the old Border family of that name, which settled in the north of Ireland subsequent to the Revolution. His father was a shoemaker at Bally-ho-bridge, a hamlet in county Fermanagh, province of Ulster, where the poet was born on the 22d December 1820. Entering school at the age of five years, he was not removed till he had acquired a considerable acquaintance with the ordinary branches of popular education. In his fifteenth year he apprenticed himself to his father. The family removed to Belfast in 1836, and there he had opportunities of occupying his leisure hours in extensive and varied reading. After a few years of somewhat desultory employment, he visited Glasgow in 1847, and there, following his original trade, he has continued to reside. Elliott assigns the commencement of his poetical efforts to the year 1842, when he was led to satirise a pedagogue teacher of music, who had given him offence. His poetical volume, entitled "Doric Lays and Attic Chimes," appeared in 1856, and has been well received. Several of his lyrics have been published with music in "The Lyric Gems of Scotland," a collection of songs published at Glasgow.
UP WITH THE DAWN. Up with the dawn, ye sons of toil,
And bare the brawny arm,
To drive the harness'd team afield,
And till the fruitful farm;
To dig the mine for hidden wealth,
Or make the woods to ring
With swinging axe and sturdy stroke,
To fell the forest king.
With ocean car and iron steed
Traverse the land and sea,
And spread our commerce round the globe
As winds that wander free.
Subdue the earth, and conquer fate,
Outspeed the flight of time;
Old earth is rich, and man is young,
Nor near his jocund prime.
Work, and the clouds of care will fly,
Pale want will pass away;
Work, and the leprosy of crime
And tyrants must decay.
Leave the dead ages in their urns;
The present time be ours,
To grapple bravely with our lot,
And strew our path with flowers.
CLYDE BOAT SONG. Music by A. Hume. Leave the city's busy throng—
Dip the oar, and wake the song,
While on Cathkin Braes the moon
Rises with a star aboon:
Hark! the boom of evening bells
Trembles through the dewy dells.
Row, lads, row; row, lads, row,
While the golden eventide
Lingers o'er the vale of Clyde,
Row, lads, row; row, lads, row,
O'er the tide, up the Clyde,
Row, lads, row.
Life 's a river, deep and old,
Stemm'd by rowers, brave and bold;
Now in shadow, then in light,
Onward aye, a thing of might;
Sons of Albyn's ancient land,
Row with strong and steady hand,
Row, lads, row; row, lads, row;
Gaily row, and cheery sing,
Till the woodland echoes ring;
Row, lads, row; row lads, row,
O'er the tide, up the Clyde,
Row, lads, row.
Hammers on the anvil rest,
Dews upon the gowan's breast;
Young hearts heave with tender thought,
Low winds sigh, with odours fraught,
Stars bedeck the blue above,
Earth is full of joy and love;
Row, lads, row; row, lads, row;
Let your oars in concert beat
Merry time, like dancers' feet;
Row, lads, row; row, lads, row,
With the tide, down the Clyde,
Row, lads, row.
DIMPLES AND A'. I love a sweet lassie, mair gentle and true
Than ony young, wood-loving, wild cushie doo;
Her cheeks they are dimpled, her jimp waist is sma',
She says she 's my ain lassie, dimples and a'—
Dimples and a', dimples and a'—
That bonnie wee lass wi' her dimples and a'.
Her brown wavy hair has a dark gowden tinge,
Her bonnie black e'e has a long jetty fringe,
Her footstep is light as the thistle doun's fa',
Her wee hand is lily-white, dimpled and a'—
Dimpled and a', dimpled and a'—
And I ken it 's my ain hand, dimples and a'.
I 'll wed my dear lassie, and gie her my name,
I 'll get a bit housie, and bring my love hame;
When winter is eerie, and stormy winds blaw,
She 'll mak' me fu' cheerie wi' dimples and a'—
Dimples and a', dimples and a'—
My ain bonnie wifie, wi' her dimples and a'.
When the day's wark is done, and stars blink above,
I 'll rest in her smile, and be bless'd wi' her love;
She 'll sing a' the cares o' this world awa'
Frae our cosie ingle, wi' dimples and a'.
Dimples and a', dimples and a'—
Our ain cosie ingle, wi' dimples and a'.
BUBBLES ON THE BLAST. A wee bit laddie sits wi' a bowl upon his knees,
And from a cutty pipe 's puffing bubbles on the breeze;
Oh, meikle is the mirth of the weans on our stair,
To see the bubbles sail like balloons alang the air.
Some burst before they rise, others mount the gentle wind,
And leave the little band in their dizzy joy behind;
And such are human pomp and ambition at the last—
The wonder of an hour, like thae bubbles on the blast.
How breathless is the watch of that merry little throng,
To mark the shining globes as they float in pride along!
'Tis thus life's bubbles come, ever flashing from afar—
Now a revolution, and again a woeful war;
A hero or a bard, in their glory or their might;
A bonnie bird of song, or a nightingale of light;
Or yellow golden age, with its speculations vast—
All wonders of an hour, like the bubbles on the blast.
Shout on, ye little folk, for your sport is quite as sage
As that of older men, e'en the leaders of the age;
This world 's a sapple bowl, and our life a pipe of clay—
Its brightest dreams and hopes are but bubbles blown away.
We 've had our bubbles too; some were dear and tender things,
That left us sad and lone as they fled on rapid wings;
And others yet may rise from the future, like the past,
The wonder of an hour, as the bubbles on the blast.
A SERENADE. The shadows of evening fall silent around,
The rose with a cor'net of dewdrops is crown'd;
While weary I wander in sorrow's eclipse,
With your love at my heart, your name on my lips;
Your name on my lips, like a melody rare—
Then come, for I 'm lonely in shady Kenmair.
The birds by the river sing plaintive and low,
They seem to be breathing a burden of woe;
They seem to be asking, why am I alone?
And why do you tarry, or where are you gone?
The flowers are sighing sweet breath on the air,
And stars watch thy coming to shady Kenmair.
The gush of the fountain, the roll of the tide,
Recall your sweet image again to my side—
Your low mellow voice, like the tones of a flute;
Your slight yielding form, and small fairy foot;
Your neck like the marble, dark flowing your hair,
And brow like the snowdrop of shady Kenmair.
Come love, to the bank where the violets blow,
Beside the calm waters that slumber below,
While the brier and beech, the hazel and broom,
Fling down from their branches a flood of perfume;
Oh! what is the world, with its splendours or care,
When you are beside me in shady Kenmair!
A SONG OF LITTLE THINGS. I 'm a very little man,
And I earn a little wage,
And I have a little wife,
In a little hermitage,
Up a quiet little stair,
Where the creeping ivy clings;
In a mansion near the stars
Is my home of little things.
I 've two bonnie little bairns,
Full of prattle and of glee,
And our little dwelling rings
With their laughter, wild and free.
Of the greenwoods, all the day,
I 've a little bird that sings;
It reminds me of my youth,
And the age of little things.
I 've no money in the funds,
And no steamers on the sea;
But my busy little hands
Are a treasure unto me.
I can work, and I can sing,
With a joy unknown to kings;
While peace and plenty smile
On my bonnie little things.
And when my work is done,
In my cosie ingle nook,
With my little ones around,
I can read a little book.
And I thank my lucky stars
For whatever fortune brings;
I 'm richer than a lord—
I 'm content with little things.
MY AIN MOUNTAIN LAND. Oh! wae 's me on gowd, wi' its glamour and fame,
It tint me my love, and it wiled me frae hame,
Syne dwindled awa' like a neivefu' o' sand,
And left me to mourn for my ain mountain land.
I long for the glens, and the brown heather fells,
The green birken shades, where the wild lintie dwells,
The dash o' the deep, on the gray rocky strand,
That gird the blue hills o' my ain mountain land.
I dream o' the dells where the clear burnies flow,
The bonnie green knowes where the wee gowans grow;
But I wake frae my sleep like a being that 's bann'd,
And shed a saut tear for my ain mountain land.
I ken there 's a lass that looks out on the sea,
Wi' tears in the een that are watchin' for me;
Lang, lang she may wait for the clasp o' my hand,
Or the fa' o' my foot in my ain mountain land.
WHEN I COME HAME AT E'EN.
YON BURN SIDE.[80] Air—"The Brier-bush." We 'll meet beside the dusky glen, on yon burn side,
Where the bushes form a cosie den, on yon burn side;
Though the broomy knowes be green,
And there we may be seen,
Yet we 'll meet—we 'll meet at e'en down by yon burn side.
I 'll lead you to the birken bower, on yon burn side,
Sae sweetly wove wi' woodbine flower, on yon burn side;
There the busy prying eye,
Ne'er disturbs the lovers' joy,
While in ither's arms they lie, down by yon burn side,
Awa', ye rude, unfeeling crew, frae yon burn side,
Those fairy scenes are no for you, by yon burn side;
There fancy smoothes her theme,
By the sweetly murm'ring stream,
And the rock-lodged echoes skim, down by yon burn side.
Now the plantin' taps are tinged wi' goud, on yon burn side,
And gloamin' draws her foggy shroud o'er yon burn side;
Far frae the noisy scene,
I 'll through the fields alane,
There we 'll meet, my ain dear Jean, down by yon burn side.
THE BRAES O' GLENIFFER.[81] Air—"Bonny Dundee." Keen blaws the wind o'er the braes o' Gleniffer,
The auld castle's turrets are cover'd wi' snaw;
How changed frae the time when I met wi' my lover,
Amang the broom bushes by Stanley-green shaw:
The wild flowers o' summer were spread a' sae bonnie,
The mavis sang sweet frae the green birken tree;
But far to the camp they hae march'd my dear Johnnie,
And now it is winter wi' nature and me.
Then ilk thing around us was blythesome and cheery,
Then ilk thing around us was bonny and braw;
Now naething is heard but the wind whistling dreary,
And naething is seen but the wide-spreading snaw.
The trees are a' bare, and the birds mute and dowie,
They shake the cauld drift frae their wings as they flee,
And chirp out their plaints, seeming wae for my Johnnie,
'Tis winter wi' them, and 'tis winter wi' me.
Yon cauld sleety cloud skiffs alang the bleak mountain,
And shakes the dark firs on the stey rocky brae;
While down the deep glen bawls the snaw-flooded fountain,
That murmur'd sae sweet to my laddie and me.
'Tis no its loud roar on the wintry winds swellin',
'Tis no the cauld blast brings the tears i' my e'e,
For, O, gin I saw but my bonny Scots callan',
The dark days o' winter were summer to me!
THROUGH CROCKSTON CASTLE'S LANELY WA'S.[82] Air—"Crockston Castle." Through Crockston Castle's lanely wa's
The wintry wind howls wild and dreary;
Though mirk the cheerless e'ening fa's,
Yet I hae vow'd to meet my Mary.
Yes, Mary, though the winds should rave
Wi' jealous spite to keep me frae thee,
The darkest stormy night I 'd brave,
For ae sweet secret moment wi' thee.
Loud o'er Cardonald's rocky steep,
Rude Cartha pours in boundless measure;
But I will ford the whirling deep,
That roars between me and my treasure.
Yes, Mary, though the torrent rave,
Wi' jealous spite, to keep me frae thee,
Its deepest flood I 'd bauldly brave,
For ae sweet secret moment wi' thee.
The watch-dog's howling loads the blast,
And makes the nightly wand'rer eerie;
But when the lonesome way is past,
I 'll to this bosom clasp my Mary!
Yes, Mary, though stern winter rave,
With a' his storms, to keep me frae thee,
The wildest dreary night I 'd brave,
For ae sweet secret moment wi' thee.
THE BRAES O' BALQUHITHER.[83] Air—"The Three Carls o' Buchanan." Let us go, lassie, go
To the braes o' Balquhither,
Where the blaeberries grow
'Mang the bonnie Highland heather;
Where the deer and the rae,
Lightly bounding together,
Sport the lang summer day
On the braes o' Balquhither.
I will twine thee a bower
By the clear siller fountain,
And I 'll cover it o'er
Wi' the flowers o' the mountain;
I will range through the wilds,
And the deep glens sae dreary,
And return wi' their spoils
To the bower o' my dearie.
When the rude wintry win'
Idly raves round our dwelling,
And the roar of the linn
On the night breeze is swelling;
So merrily we 'll sing,
As the storm rattles o'er us,
Till the dear sheiling ring
Wi' the light lilting chorus.
Now the summer is in prime,
Wi' the flow'rs richly blooming,
And the wild mountain thyme
A' the moorlands perfuming;
To our dear native scenes
Let us journey together,
Where glad innocence reigns,
'Mang the braes o' Balquhither.
GLOOMY WINTER 'S NOW AWA'. Air—"Lord Balgonie's Favourite." Gloomy winter 's now awa'
Saft the westling breezes blaw,
'Mang the birks of Stanley-shaw,
The mavis sings fu' cheery, O!
Sweet the crawflower's early bell
Decks Gleniffer's dewy dell,
Blooming like thy bonny sel',
My young, my artless dearie, O!
Come, my lassie, let us stray
O'er Glenkilloch's sunny brae,
Blithely spend the gowden day,
'Midst joys that never weary, O!
Towering o'er the Newton woods,
Laverocks fan the snaw-white clouds,
Siller saughs, wi' downy buds,
Adorn the banks sae briery, O!
Round the sylvan fairy nooks,
Feath'ry breckans fringe the rocks,
'Neath the brae the burnie jouks,
And ilka thing is cheery, O!
Trees may bud, and birds may sing,
Flowers may bloom, and verdure spring,
Joy to me they canna bring,
Unless wi' thee, my dearie, O!
O! ARE YE SLEEPING, MAGGIE? Air—"Sleepy Maggie." O! Are ye sleeping, Maggie?
O! are ye sleeping, Maggie?
Let me in, for loud the linn
Is roaring o'er the warlock craigie.
Mirk and rainy is the night,
No a starn in a' the carry;[84]
Lightnings gleam athwart the lift,
And winds drive wi' winter's fury.
O! are ye sleeping, Maggie? &c.
Fearful soughs the bourtree bank,
The rifted wood roars wild and dreary,
Loud the iron yate does clank,
And cry of howlets makes me eerie.
O! are ye sleeping, Maggie? &c.
Aboon my breath I daurna' speak,
For fear I rouse your waukrife daddie,
Cauld 's the blast upon my cheek,
O rise, rise, my bonny lady!
O! are ye sleeping, Maggie? &c.
She opt the door, she let him in,
He cuist aside his dreeping plaidie:
"Blaw your warst, ye rain and win',
Since, Maggie, now I 'm in aside ye."
Now, since ye 're waking, Maggie!
Now, since ye 're waking, Maggie!
What care I for howlet's cry,
For bourtree bank, or warlock craigie?
NOW WINTER, WI' HIS CLOUDY BROW. Air—"Forneth House." Now Winter, wi' his cloudy brow,
Is far ayont yon mountains;
And Spring beholds her azure sky
Reflected in the fountains:
Now, on the budding slaethorn bank,
She spreads her early blossom,
And wooes the mirly-breasted birds
To nestle in her bosom.
But lately a' was clad wi' snaw,
Sae darksome, dull, and dreary;
Now laverocks sing to hail the spring,
And Nature all is cheery.
Then let us leave the town, my love,
And seek our country dwelling,
Where waving woods, and spreading flowers,
On every side are smiling.
We 'll tread again the daisied green,
Where first your beauty moved me;
We 'll trace again the woodland scene,
Where first ye own'd ye loved me;
We soon will view the roses blaw
In a' the charms of fancy,
For doubly dear these pleasures a',
When shared with thee, my Nancy.
THE DEAR HIGHLAND LADDIE, O! Gaelic Air—"Mor nian À Ghibarlan." Blithe was the time when he fee'd wi' my father, O!
Happy were the days when we herded thegither, O!
Sweet were the hours when he row'd me in his plaidie, O!
And vow'd to be mine, my dear Highland laddie, O!
But, ah! waes me! wi' their sodgering sae gaudy, O!
The laird's wys'd awa my braw Highland laddie, O!
Misty are the glens, and the dark hills sae cloudy, O!
That aye seem'd sae blythe wi' my dear Highland laddie, O!
The blaeberry banks now are lonesome and dreary, O!
Muddy are the streams that gush'd down sae clearly, O!
Silent are the rocks that echoed sae gladly, O!
The wild melting strains o' my dear Highland laddie, O!
He pu'd me the crawberry, ripe frae the boggy fen:
He pu'd me the strawberry, red frae the foggy glen;
He pu'd me the row'n frae the wild steeps sae giddy, O!
Sae loving and kind was my dear Highland laddie, O!
Fareweel, my ewes, and fareweel, my doggie, O!
Fareweel, ye knowes, now sae cheerless and scroggie, O!
Fareweel, Glenfeoch, my mammy and my daddie, O!
I will leave you a' for my dear Highland laddie, O!
THE MIDGES DANCE ABOON THE BURN. Air—"The Shepherd's Son." The midges dance aboon the burn,
The dews begin to fa';
The pairtricks down the rushy holm,
Set up their e'ening ca'.
Now loud and clear the blackbirds' sang
Rings through the briery shaw,
While flitting, gay, the swallows play
Around the castle wa'.
Beneath the golden gloamin' sky,
The mavis mends her lay,
The redbreast pours his sweetest strains,
To charm the ling'ring day.
While weary yeldrins seem to wail,
Their little nestlings torn;
The merry wren, frae den to den,
Gaes jinking through the thorn.
The roses fauld their silken leaves,
The foxglove shuts its bell,
The honeysuckle and the birk
Spread fragrance through the dell
Let others crowd the giddy court
Of mirth and revelry—
The simple joys that Nature yields
Are dearer far to me.
BARROCHAN JEAN.[85] Air—"Johnnie M'Gill." 'Tis haena ye heard, man, o' Barrochan Jean?
And haena ye heard, man, o' Barrochan Jean?
How death and starvation came o'er the hail nation,
She wrought sic mischief wi' her twa pawky e'en.
The lads and the lasses were deeing in dizzins,
The tane kill'd wi' love and the tither wi' spleen;
The ploughing, the sawing, the shearing, the mawing,
A' wark was forgotten for Barrochan Jean!
Frae the south and the north, o'er the Tweed and the Forth,
Sic coming and ganging there never was seen;
The comers were cheerie, the gangers were blearie,
Despairing or hoping for Barrochan Jean!
The carlines at hame were a' girning and graning,
The bairns were a' greeting frae morning till e'en;
They gat naething for crowdy, but runts boil'd to sowdie,
For naething gat growing for Barrochan Jean!
The doctors declared it was past their descriving,
The ministers said 'twas a judgment for sin;
But they lookit sae blae, and their hearts were sae wae,
I was sure they were deeing for Barrochan Jean!
The burns on road-sides were a' dry wi' their drinking,
Yet a' wadna slockin' the drouth i' their skin;
A' around the peat-stacks, and alangst the dyke-backs,
E'en the winds were a' sighing, "Sweet Barrochan Jean!"
The timmer ran done wi' the making o' coffins,
Kirkyards o' their sward were a' howkit fu' clean;
Dead lovers were packit like herring in barrels,
Sic thousands were deeing for Barrochan Jean!
But mony braw thanks to the Laird o' Glen Brodie,
The grass owre their graffs is now bonnie and green,
He sta' the proud heart of our wanton young lady,
And spoil'd a' the charm o' her twa pawky e'en.
O, ROW THEE IN MY HIGHLAND PLAID! Lowland lassie, wilt thou go
Where the hills are clad with snow;
Where, beneath the icy steep,
The hardy shepherd tends his sheep?
Ill nor wae shall thee betide,
When row'd within my Highland plaid.
Soon the voice of cheery spring
Will gar a' our plantin's ring,
Soon our bonny heather braes
Will put on their summer claes;
On the mountain's sunny side,
We 'll lean us on my Highland plaid.
When the summer spreads the flowers,
Busks the glens in leafy bowers,
Then we 'll seek the caller shade,
Lean us on the primrose bed;
While the burning hours preside,
I 'll screen thee wi' my Highland plaid.
Then we 'll leave the sheep and goat,
I will launch the bonny boat,
Skim the loch in canty glee,
Rest the oars to pleasure thee;
When chilly breezes sweep the tide,
I 'll hap thee wi' my Highland plaid.
Lowland lads may dress mair fine,
Woo in words mair saft than mine;
Lowland lads hae mair of art,
A' my boast 's an honest heart,
Whilk shall ever be my pride;—
O, row thee in my Highland plaid!
"Bonny lad, ye 've been sae leal,
My heart would break at our fareweel;
Lang your love has made me fain;
Take me—take me for your ain!"
Across the Firth, away they glide,
Young Donald and his Lowland bride.
BONNY WOOD OF CRAIGIE LEA.[86] Thou bonny wood of Craigie lea!
Thou bonny wood of Craigie lea!
Near thee I pass'd life's early day,
And won my Mary's heart in thee.
The broom, the brier, the birken bush,
Bloom bonny o'er thy flowery lea,
And a' the sweets that ane can wish
Frae Nature's hand, are strew'd on thee.
Far ben thy dark green plantin's shade,
The cooshat croodles am'rously,
The mavis, down thy bughted glade,
Gars echo ring frae every tree.
Thou bonny wood, &c.
Awa, ye thoughtless, murd'ring gang,
Wha tear the nestlings ere they flee!
They 'll sing you yet a canty sang,
Then, O, in pity, let them be!
Thou bonny woods, &c.
When winter blaws in sleety showers,
Frae aff the norlan' hills sae hie,
He lightly skiffs thy bonny bowers,
As laith to harm a flower in thee.
Thou bonny wood, &c.
Though Fate should drag me south the line,
Or o'er the wide Atlantic sea;
The happy hours I 'll ever mind,
That I, in youth, hae spent in thee.
Thou bonny wood, &c.
GOOD NIGHT, AND JOY.[87] Air—"Good night, and joy be wi' you a'." The weary sun 's gaen down the west,
The birds sit nodding on the tree;
All nature now prepares for rest,
But rest prepared there 's none for me.
The trumpet sounds to war's alarms,
The drums they beat, the fifes they play,—
Come, Mary, cheer me wi' thy charms,
For the morn I will be far away.
Good night, and joy—good night, and joy,
Good night, and joy be wi' you a';
For since its so that I must go,
Good night, and joy be wi' you a'!
I grieve to leave my comrades dear,
I mourn to leave my native shore;
To leave my aged parents here,
And the bonnie lass whom I adore.
But tender thoughts maun now be hush'd,
When danger calls I must obey.
The transport waits us on the coast,
And the morn I will be far away.
Good night, and joy, &c.
Adieu, dear Scotia's sea-beat coast!
Though bleak and drear thy mountains be,
When on the heaving ocean tost,
I 'll cast a wishful look to thee!
And now, dear Mary, fare thee well,
May Providence thy guardian be!
Or in the camp, or on the field,
I 'll heave a sigh, and think on thee!
Good night, and joy, &c.
|
  |
