The writer of several good songs, James Maclardy was born in Glasgow on the 22d August 1824. His father, who afterwards removed to Paisley, was a journeyman shoemaker in humble circumstances. With the scanty rudiments of education, young Maclardy was early cast upon the world. For a course of years he led a sort of rambling life, repeatedly betaking himself to the occupation of a pedlar, and sometimes being dependent for subsistence on his skill as a ballad singer. Adopting his father's profession, he became more fortunate, and now took delight in improving himself in learning, and especially in perusing the works of the poets. After practising his craft in various localities, he has latterly settled in Glasgow, where he holds a situation of respectable emolument.
THE SUNNY DAYS ARE COME, MY LOVE. The sunny days are come, my love,
The gowan 's on the lea,
And fragrant flow'rs wi' hiney'd lips,
Invite the early bee;
The scented winds are whisp'ring by,
The lav'rock 's on the wing,
The lintie on the dewy spray
Gars glen and woodland ring.
The sunny days are come, my love,
The primrose decks the brae,
The vi'let in its rainbow robe
Bends to the noontide ray;
The cuckoo in her trackless bower
Has waken'd from her dream;
The shadows o' the new-born leaves
Are waving in the stream.
The sunny days are come, my love,
The swallow skims the lake,
As o'er its glassy bosom clear
The insect cloudlets shake.
The heart of nature throbs with joy
At love and beauty's sway;
The meanest creeping thing of earth
Shares in her ecstasy.
Then come wi' me my bonny Bell,
And rove Gleniffer o'er,
And ye shall lend a brighter tint
To sunshine and to flower;
And ye shall tell the heart ye 've won
A blessing or a wae—
Awake a summer in my breast,
Or bid hope's flowers decay.
For spring may spread her mantle green,
O'er mountain, dell, and lea,
And summer burst in every hue
Wi' smiles and melody,
To me the sun were beamless, love,
And scentless ilka flower,
Gin ye were no this heart's bright sun,
Its music and its bower.
OH, MY LOVE WAS FAIR. Oh, my love was fair as the siller clud
That sleeps in the smile o' dawn;
An' her een were bricht as the crystal bells
That spangle the blossom'd lawn:
An' warm as the sun was her kind, kind heart,
That glow'd 'neath a faemy sea;
But I fear'd, by the tones o' her sweet, sweet voice,
That my love was nae for me.
Oh, my love was gay as the summer time,
When the earth is bricht an' gled,
An' fresh as the spring when the young buds blaw,
In their sparkling pearl-draps cled:
An' her hair was like chains o' the sunset sheen
That hangs 'tween the lift an' sea;
But I fear'd, by the licht that halo'd her face,
That my love was nae for me.
Oh, my love was sweet as the violet flower
That waves by the moss-grown stane,
An' her lips were rich as the rowans red
That hang in forest lane;
An' her broo was a dreamy hill o' licht,
That struck ane dumb to see;
But I fear'd, by signs that canna be named,
That my love was nae for me.
Oh, my love was mild as the autumn gale
That fans the temples o' toil,
An' the sweets o' a thousand summers cam'
On her breath an' sunny smile:
An' spotless she gaed on the tainted earth,
O' a mortal blemish free,
While my heart forgot, in its feast o' joy,
That my love was nae for me.
Oh, my love was leal, an' my cup o' bliss
Was reaming to the brim,
When, ae gloaming chill, to her sacred bower
Cam' a grisly carl fu' grim,
Wha dash'd the cup frae my raptured lips
Wi' a wild, unearthly glee;
Sae the ghaistly thought was then confirm'd,
That my love was nae for me.
Oh, my love was young, an' the grim auld carl
Held her fast in his cauld embrace,
An' suck'd the red frae her hiney'd mou',
An' the blush frae her peachy face:
He stifled the sound o' her charm'd throat,
An' quench'd the fires o' her e'e;
But fairer she blooms in her heavenly bower,
For my love was nae for me.
Sae I tyned my love an' I tyned my heart,
An' I tyned baith wealth an' fame;
Syne I turn'd a sad, weary minstrel wicht,
Wi' the cauld warld for my hame.
Yet my minstrelsy 's but a lanely lay,
My wealth my aumous fee;
Oh, wad that I were wi' the grim auld carl,
For this warld is nae for me.
|
  |
