Hew Ainslie was born on the 5th April 1792, at Bargeny Mains, in the parish of Dailly, and county of Ayr. Receiving the rudiments of education from a private teacher in his father's house, he entered the parish school of Ballantrae in his tenth year, and afterwards became a pupil in the academy of Ayr. A period of bad health induced him to forego the regular prosecution of learning, and, having quitted the academy, he accepted employment as an assistant landscape gardener on the estate of Sir Hew Dalrymple Hamilton. At the age of sixteen he entered the writing chambers of a legal gentleman in Glasgow, but the confinement of the office proving uncongenial, he took a hasty departure, throwing himself on the protection of some relatives at Roslin, near Edinburgh. His father's family soon after removed to Roslin, and through the kindly interest of Mr Thomas Thomson, Deputy-Clerk Register, he procured a clerkship in the General Register House, Edinburgh. For some months he acted as amanuensis to Professor Dugald Stewart, in transcribing his last work for the press.
Having entered into the married state, and finding the salary of his office in the Register House unequal to the comfortable maintenance of his family, he resolved to emigrate to the United States, in the hope of bettering his circumstances. Arriving at New York in July 1822, he made purchase of a farm in that State, and there resided the three following years. He next made a trial of the Social System of Robert Owen, at New Harmony, but abandoned the project at the close of a year. In 1827 he entered into partnership with Messrs Price & Wood, brewers, in Cincinnati, and set up a branch of the establishment at Louisville. Removing to New Albany, Indiana, he there built a large brewery for a joint-stock company, and in 1832 erected in that place similar premises on his own account. The former was ruined by the great Ohio flood of 1832, and the latter perished by fire in 1834. He has since followed the occupation of superintending the erection of mills and factories; and has latterly fixed his abode in Jersey, a suburb of New York.
Early imbued with the love of song, Mr Ainslie composed verses when a youth on the mountains of Carrick. A visit to his native country in 1820 revived the ardour of his muse; and shortly before his departure to America, he published the whole of his rhyming effusions in a duodecimo volume, with the title, "Pilgrimage to the Land of Burns." A second volume from his pen, entitled, "Scottish Songs, Ballads, and Poems," was in 1855 published at New York.
THE HAMEWARD SANG.
Each whirl of the wheel,
Each step brings me nearer
The hame of my youth—
Every object grows dearer.
Thae hills and thae huts,
And thae trees on that green,
Losh! they glower in my face
Like some kindly auld frien'.
E'en the brutes they look social,
As gif they would crack;
And the sang o' the birds
Seems to welcome me back.
Oh, dear to our hearts
Is the hand that first fed us,
And dear is the land
And the cottage that bred us.
And dear are the comrades
With whom we once sported,
And dearer the maiden
Whose love we first courted.
Joy's image may perish,
E'en grief die away;
But the scenes of our youth
Are recorded for aye.
DOWIE IN THE HINT O' HAIRST.
Its dowie in the hint o' hairst,
At the wa'-gang o' the swallow,
When the wind grows cauld, and the burns grow bauld,
And the wuds are hingin' yellow;
But oh, its dowier far to see
The wa-gang o' her the heart gangs wi',
The dead-set o' a shinin' e'e—
That darkens the weary warld on thee.
There was mickle love atween us twa—
Oh, twa could ne'er be fonder;
And the thing on yird was never made,
That could hae gart us sunder.
But the way of heaven's aboon a' ken,
And we maun bear what it likes to sen'—
It's comfort, though, to weary men,
That the warst o' this warld's waes maun en'.
There's mony things that come and gae,
Just kent, and just forgotten;
And the flowers that busk a bonnie brae,
Gin anither year lie rotten.
But the last look o' that lovely e'e,
And the dying grip she gae to me,
They're settled like eternitie—
Oh, Mary! that I were wi' thee.
ON WI' THE TARTAN.
Can you lo'e, my dear lassie,
The hills wild and free;
Whar' the sang o' the shepherd
Gars a' ring wi' glee?
Or the steep rocky glens,
Where the wild falcons bide?
Then on wi' the tartan,
And, fy, let us ride!
Can ye lo'e the knowes, lassie,
That ne'er war in rigs?
Or the bonnie loune lee,
Where the sweet robin bigs?
Or the sang o' the lintie,
Whan wooin' his bride?
Then on wi' the tartan,
And, fy, let us ride!
Can ye lo'e the burn, lassie,
That loups amang linns?
Or the bonnie green howmes,
Where it cannilie rins,
Wi' a cantie bit housie,
Sae snug by its side?
Then on wi' the tartan,
And, fy, let us ride!
THE ROVER O' LOCHRYAN.
The Rover o' Lochryan, he's gane,
Wi' his merry men sae brave;
Their hearts are o' the steel, an' a better keel
Ne'er bowl'd owre the back o' a wave.
Its no when the loch lies dead in his trough
When naething disturbs it ava;
But the rack and the ride o' the restless tide,
Or the splash o' the gray sea-maw.
Its no when the yawl an' the light skiffs crawl
Owre the breast o' the siller sea;
That I look to the west for the bark I lo'e best,
An' the rover that's dear to me,
But when that the clud lays its cheek to the flud,
An' the sea lays its shouther to the shore;
When the win' sings high, and the sea-whaup's cry,
As they rise frae the whitening roar.
Its then that I look to the thickening rook,
An' watch by the midnight tide;
I ken the wind brings my rover hame,
An' the sea that he glories to ride.
Oh, merry he sits 'mang his jovial crew,
Wi' the helm heft in his hand,
An' he sings aloud to his boys in blue,
As his e'e's upon Galloway's land:
"Unstent and slack each reef an' tack,
Gae her sail, boys, while it may sit;
She has roar'd through a heavier sea afore,
An' she'll roar through a heavier yet.
When landsmen sleep, or wake an' creep,
In the tempest's angry moan,
We dash through the drift, and sing to the lift
O' the wave that heaves us on."
THE LAST LOOK O' HAME.
Bare was our burn brae,
December's blast had blawn,
The last flower was dead,
An' the brown leaf had fa'n:
It was dark in the deep glen,
Hoary was our hill;
An' the win' frae the cauld north,
Cam' heavy and chill:
When I said fare-ye-weel,
To my kith and my kin;
My barque it lay ahead,
An' my cot-house ahin';
I had nought left to tine,
I'd a wide warl' to try;
But my heart it wadna lift,
An' my e'e it wadna dry.
I look'd lang at the ha',
Through the mist o' my tears,
Where the kind lassie lived,
I had run wi' for years;
E'en the glens where we sat,
Wi' their broom-covered knowes,
Took a haud on this heart
That I ne'er can unloose.
I hae wander'd sin' syne,
By gay temples and towers,
Where the ungather'd spice
Scents the breeze in their bowers;
Oh! sic scenes I could leave
Without pain or regret;
But the last look o' hame
I ne'er can forget.
THE LADS AN' THE LAND FAR AWA'.
Air—'My ain fireside.'
When I think on the lads an' the land I hae left,
An' how love has been lifted, an' friendship been reft;
How the hinnie o' hope has been jumbled wi' ga',
Then I sigh for the lads an' the land far awa'.
When I think on the days o' delight we hae seen,
When the flame o' the spirit would spark in the e'en;
Then I say, as in sorrow I think on ye a',
Where will I find hearts like the hearts far awa?
When I think on the nights we hae spent hand in hand,
Wi' mirth for our sowther, and friendship our band,
This world gets dark; but ilk night has a daw',
And I yet may rejoice in the land far awa'!
MY BONNIE WEE BELL.
My bonnie wee Bell was a mitherless bairn,
Her aunty was sour, an' her uncle was stern;
While her cousin was aft in a cankersome mood;
But that hinder'd na Bell growing bonnie and gude.
When we ran to the schule, I was aye by her han',
To wyse off the busses, or help owre a stran';
An' as aulder we grew, a' the neighbours could tell
Hoo my liking grew wi' thee, my bonnie wee Bell.
Thy cousin gangs dinkit, thy cousin gangs drest,
In her silks and her satins, the brawest and best;
But the gloss o' a cheek, the glint o' an e'e,
Are jewels frae heaven, nae tocher can gie.
Some goud, an' some siller, my auld gutcher left,
An' in houses an' mailins I'll soon be infeft;
I've a vow in the heaven, I've an aith wi' thysel',
I'll make room in this world for thee, bonnie Bell.
