  David Webster was born in Dunblane, on the 25th September 1787. He was the second of a family of eight children born to his parents, who occupied the humbler condition of life. By his father, he was destined for the Church, but the early death of this parent put a check on his juvenile aspirations. He was apprenticed to a weaver in Paisley, and continued, with occasional intermissions, to prosecute the labours of the loom. His life was much chequered by misfortune. Fond of society, he was led to associate with some dissolute persons, who professed to be admirers of his genius, and was enticed by their example to neglect the concerns of business, and the duties of the family-hearth, for the delusive pleasures of the tavern. From his youth he composed verses. In 1835, he published, in numbers, a volume of poems and songs, with the title, "Original Scottish Rhymes." His style is flowing and graceful, and many of his pieces are marked by keen satire and happy humour. The songs inserted in the present work are favourable specimens of his manner. He died on the 22d January 1837, in his fiftieth year.[26]
TAK IT, MAN, TAK IT. Tune—"Brose and Butter." When I was a miller in Fife,
Losh! I thought that the sound o' the happer
Said, Tak hame a wee flow to your wife,
To help to be brose to your supper.
Then my conscience was narrow and pure,
But someway by random it racket;
For I lifted twa neivefu' or mair,
While the happer said, Tak it, man, tak it.
Hey for the mill and the kill,
The garland and gear for my cogie,
Hey for the whisky and yill,
That washes the dust frae my craigie.
Although it 's been lang in repute
For rogues to mak rich by deceiving,
Yet I see that it does not weel suit
Honest men to begin to the thieving;
For my heart it gaed dunt upon dunt,
Oh! I thought ilka dunt it would crack it;
Sae I flang frae my neive what was in 't,
Still the happer said, Tak it, man, tak it.
Hey for the mill, &c.
A man that 's been bred to the plough,
Might be deaved wi' its clamorous clapper;
Yet there 's few but would suffer the sough
After kenning what 's said by the happer.
I whiles thought it scoff'd me to scorn,
Saying, Shame, is your conscience no checkit?
But when I grew dry for a horn,
It changed aye to Tak it, man, tak it.
Hey for the mill, &c.
The smugglers whiles cam wi' their pocks,
Cause they kent that I liked a bicker;
Sae I bartered whiles wi' the gowks,
Gaed them grain for a soup o' their liquor.
I had lang been accustom'd to drink,
And aye when I purposed to quat it,
That thing wi' its clappertie clink
Said aye to me, Tak it, man, tak it.
Hey for the mill, &c.
But the warst thing I did in my life,
Nae doubt but ye 'll think I was wrang o 't,
Od! I tauld a bit bodie in Fife
A' my tale, and he made a bit sang o 't;
I have aye had a voice a' my days,
But for singing I ne'er got the knack o 't;
Yet I tried whiles, just thinking to please
The greedy wi' Tak it, man, tak it.
Hey the mill, &c.
Now, miller and a' as I am,
This far I can see through the matter,
There 's men mair notorious to fame,
Mair greedy than me or the muter;
For 'twad seem that the hale race o' men,
Or wi' safety the half we may mak it,
Had some speaking happer within,
That said to them, Tak it, man, tak it.
Hey for the mill, &c.
OH, SWEET WERE THE HOURS. Air—"Gregor Arora." Oh, sweet were the hours
That I spent wi' my Flora,
In yon gay shady bowers,
Roun' the linn o' the Cora!
Her breath was the zephyrs
That waft frae the roses,
And skim o'er the heath
As the summer day closes.
I told her my love-tale,
Which seem'd to her cheering;
Then she breathed on the soft gale
Her song so endearing.
The rock echoes ringing
Seem'd charm'd wi' my story;
And the birds, sweetly singing,
Replied to my Flora.
The sweet zephyr her breath
As it wafts frae the roses,
And skims o'er the heath
As the summer day closes.
PATE BIRNIE.[27] Our minstrels a', frae south to north,
To Edin cam to try their worth,
And ane cam frae the banks o' Forth,
Whase name was Patie Birnie.
This Patie, wi' superior art,
Made notes to ring through head and heart,
Till citizens a' set apart
Their praise to Patie Birnie.
Tell auld Kinghorn, o' Picish birth,
Where, noddin', she looks o'er the Firth,
Aye when she would enhance her worth,
To sing o' Patie Birnie.
His merits mak Auld Reekie[28] ring,
Mak rustic poets o' him sing;
For nane can touch the fiddle-string
Sae weel as Patie Birnie.
He cheers the sage, the sour, the sad,
Maks youngsters a rin louping mad,
Heads grow giddy, hearts grow glad,
Enchanted wi' Pate Birnie.
The witching tones o' Patie's therm,
Mak farmer chiels forget their farm,
Sailors forget the howling storm,
When dancing to Pate Birnie.
Pate maks the fool forget his freaks,
Maks baxter bodies burn their bakes,
And gowkies gie their hame the glaiks,
And follow Patie Birnie.
When Patie taks his strolling rounds,
To feasts or fairs in ither towns,
Wark bodies fling their trantlooms doun,
To hear the famous Birnie.
The crabbit carles forget to snarl,
The canker'd cuiffs forget to quarrel,
And gilphies forget the stock and horle,
And dance to Patie Birnie.
|
  |
