II. Kuloskap naka Pukdcinskwes.

Nit et'l-oten-y-etit w'skidcinwuk; m'si-yakw-te pokumkiyik. Peskw's-yakw wul'mato naka w'piyem-kinapyin madcaha etasi-kiskakil; w'ni-mianil w'tatapyil naka pa'kw'yil; t'mhÎk'n naka mikotanis; w'nepaha muso naka muwini; w'ketmakel kahanmiset-te; w'kisima ketmakeyili-dcihi. Tan etutci apatcyalit, w'taskiwanya w't-ekwedci-molanya tan etek nepatakw.

Tan etutci kisiyahat, nitetc w'matcyapasinya; wt'pakw'nowul apa-tapsi'tit; etut-nasolti'tit-tetc wiyus. Wut Pokumk sak'm; w'mitÂkw's'l muwinyil. Pukdcinskwes m'teaulin pokumkeskw. Epit kisi w'skitape-weleso tan-te w'lithat'k, kenok-lo yut'l kisikol w'skitape-weleso. Etutci metcikit moskwitam'l sak'm'l. Pi'tce w'tepithatm'n tan w't'lo-kisi-semalan naka nek'm wikwetow'n w't'li-t'puswÂk'n.

Nekw't pemkiskak kisadciti'tit keikdciti'tit k'ti-matc'yutyik. Pukdcinskwes w't-iyal sak'm'l: "witcyemin; k'nadci-munaunatip'n." W'mi-lauyanya ekwitn'k. Aptc akwam'k milauweu pi'tceto. Malem-te p'tciyik m'ni'kok. Et'l-ekwasi'tit kwuni al-naunat, Pokumk (= Kuloskap), Pukdcinskwes etutc-nektahat, madc'lokin ekwitn'k w'madcentun: "nektaha Pokumki m'ni'kok; nitc nil n'sak'mawin."

Nit w'petciyan otenesis'k. Wespasa'kiwik m'sit-te madciyil k'tci'kok; modck-tel peskw w't-askwesiw'n; nit te'po widcyematitp'nil. W'lakwiyik wikesinya. Elasi-kiskakil w't-askoyawul sak'mamwul. Nit tekiu Pukdcinskwes sak'mawiu.

N'sanko-kisuk-nekiwik sak'm mikwitham'l witapyil kwakses'l m'teau-linwewul kesena pilwapyiu. Etutci t'lintakw; kwakses not'wal, ap'kwak pi'tceso. Ni-te w'm'taphan w'madc'man m'ni'kok. Nit et'li-m'skowat sak'm'l; neke tutciu Pokumk katama kisi-pi'tcemok. Kwakses-lo w'tiyal w'kuskoholan k'tak'mikw; w'milawasokanya. Kwakses w'tiyal: "piskikwo naka k'lakwalwenin; mosa suksiketc; neksawiyiu k'm'te-khemop'n."