In hoc schemate linea plani est CIE, horizontis est DFO; punctum oculi est O, distantiÆ est D. Elevatio geometrica capitelli Corinthii cum sua coronice est A, quorum divisiones cernuntur in perpendiculari CD. Vestigium geometricum B habet longitudinem Æqualem latitudini: opticÈ autem contrahitur methodo consueta. Nimirum, translatis divisionibus latitudinis & longitudinis in lineam plani CIE; ex punctis latitudinis fiunt visuales ad punctum oculi; ex punctis verÒ longitudinis fiunt occultÆ ad punctum distantiÆ: hoc modo habes quicquid necessarium est ad contractionem opticam vestigii. Nam lineÆ longitudinum sunt partes visualium, ut patet in GN, HL: lineÆ latitudinum, parallelÆ ad lineam plani fiunt ex punctis in quibus lineÆ tendentes ad punctum distantiÆ secant visualem HO, ut vides in NL. Porro, si tantundem prolongaretur horizontalis DO, ita ut haberet duo puncta distantiÆ remota Æqualiter ab O, medietas diagonalium, quÆ sunt in quadrato majori GNLH opticÈ deformato, & in quadratis ejus minoribus, tendent ad unum punctum distantiÆ; altera medietas ad aliud punctum distantiÆ.

Elevatio longitudinis opticÈ contrahitur ductis parallelis ad CE, quÆ ubi pervenerint ad visualem IO, continuentur cum aliis parallelis ad IK. PrÆterea, translatis in lineam IK divisionibus lineÆ perpendicularis CD, ex punctis divisionum fiunt visuales ad punctum oculi, ac ducuntur singula membra ipsius elevationis, cujus latitudines sunt partes visualium, altitudines verÒ sunt partes linearum parallelarum ad IK. DemÙm ex vestigio & ex elevatione longitudinis, formatur coronix nitida cum capitello. Ut autem faciliÙs delineentur mutuli, primÙm fient quadrat formÂ, ut in M; deinde congruus flexus in singulos inducetur.