Si pingendÆ sint scenÆ theatri alicujus antea constructi, delineare oportebit vestigium geometricum ex ipso erutum, (ad formam vestigii quod cernis in hac paginÂ) ut inveniatur longitudo theatri, seu distantia quam ejus punctum habet À puncto A: id autem nullo negotio fiet, accipiendo distantias BC inter primos canales, & DE inter ultimos, ac ducendo visuales MO, NO: nam theatrum habebit longitudinem AO, ac punctum perspectivÆ in vestigio theatri erit O. PrÆterea scire oportebit longitudinem & latitudinem canalium, eorumque numerum, distantias, & flexus; ac prÆcipuÈ curandum est, ut licet sint obliqui ad lineam MN, sint invicem paralleli in unoquoque latere, ac singuli tangant lineas MO, NO. Jam si rectÆ AO fiat Æqualis recta FA, in F erit punctum distantiÆ: adeoque si theatrum juxta methodum À nobis tradendam depictum fuerit, spectatori qui consistat in F apparebit veluti tabula picta juxta leges perspectivÆ, posita in A.