Postquam in pavimento exactissimÈ disposueris tum poscenium, tum ex ordine scenas reliquas, unam alteri incumbentem, ut figur septuagesimaquint declaravimus, fiet linea horizontalis, in qua notanda sunt tria puncta perspectivÆ, unum in O usui futurum in pingendo poscenio, ac duo reliqua hinc inde, singula videlicet pro scenis partis oppositÆ. Jam supponendo quÒd in parvo exemplari A primÆ scenÆ facta fuerit reticulatio per quadrata perfecta; proportionalis divisio fiet tum in recta HI primÆ scenÆ B, tum in recta CD. Postea ex puncto E, per singula puncta divisionum rectÆ HI, fient visuales, adhibendo funiculum colore nigro imbutum; earumque ope, ut figura ostendit, reticulare oportebit scenam B, tum remot ea scenam illi subjectam, & eodem modo aliam & aliam; ac demum per divisiones quas in recta LM faciunt visuales ex puncto E, absolvetur reticulatio poscenii, cujus quadrata esse debent perfecta, secus quadrata scenarum. In parte inferiori paginÆ, duÆ scenÆ G & F ostendunt ornamenta quÆ in scenis depingi possunt. Velim autem observes, tum lineas transversas coronicum, quÆ non sunt invicem parallelÆ, tum visuales, quÆ tendunt ad puncta opposita. Nam ejusmodi lineÆ continent duas peculiares difficultates projectionum theatralium; easque ut superes, exactÈ servandÆ sunt regulÆ quas declaravimus.