Si delineanda sit basis dissecta in quatuor partes, fiat vestigium A cum suis divisionibus longitudinis ED & latitudinis CD. Easdem vero divisiones latitudinis habebit in EF elevatio B quÆ pertingit usque ad X. Porro ad contractionem opticam vestigii adhibebitur papyrus complicata in latum & in longum, transferendo in lineam plani latitudinem & longitudinem vestigii. Deinde nullo negotio fiet optica deformatio elevationis, ut clarÈ positum est in figura. Quomodo autem ex vestigio & ex elevatione longitudinis opticÈ imminutis eruatur basis nitida sine lineis occultis, ex prÆcedentibus manifestum est. Optarem ut per assiduam circini tractationem in hac methodo exercenda operam sedulÒ ponas; quum ex ea pendeat omnis facilitas delineationum opticarum.