Si libitum fuerit delineare stylobatam, cum projecturis in summo & imo, incipies ab elevatione geometrica A, ducendo occultas ad id necessarias, tum versus perpendicularem L, tum deorsum pro vestigio geometrico B, cujus distantiÆ transferentur in spatium G. Si mensurÆ longitudinis distent spatio C À mensuris latitudinis, vestigium deformatum videbitur distare À linea K plani, quantum est idem spatium C. In construenda optica elevatione D, visuales ex punctis lineÆ L dabunt lineas latitudinis; lineas vero altitudinis accipies ex lineis vestigii contracti, ut in figura. In formando stylobata nitido EF, locum anguli H dabit concursus latitudinis ex linea L usque ad M, & altitudinis ex linea K usque ad I. Concursus tum ejusdem altitudinis, tum latitudinis ex L usque ad O, dabit angulum N. Demum altitudinem anguli P accipies ex K usque ad Q; latitudinem ex L usque ad R.