Perspectiva nusquam clariÙs emicat, quÀm in Architectura. Iccirco tibi ob oculos pono Architecturam Jacobi Barozzii, quem À patria nuncupant Il Vignola, reliquis fortasse usitatiorem; in eaque continetur elevatio geometrica singulorum quinque Ordinum, qui vocantur, Etruscus, Doricus, Ionicus, Corinthius, & Romanus, vel Compositus; delineando seorsim partes cujuscunque Ordinis in figuris grandioribus. Elevationi geometricÆ suum vestigium nos addemus; ex vestigio autem & ex elevatione opticÈ deformatis, eliciemus apparentias solidorum juxta regulam traditam. Exempli gratia, si delineare velis stylobatam quadratum & pilam Ordinis Etrusci, prÆter elevationem geometricam A delineare oportet vestigium geometricum B; ex ambobus autem opticÈ contractis formatur stylobata nitidus D, cum anta & pila existente ad latus, accipiendo altitudines À linea plani, latitudines À linea perpendiculari ad ipsum planum. In alia delineatione posuimus pilam ex adverso, ut eis omni modo delineandis assuescas.

Ad vitandam confusionem linearum, proderit ut figurÆ fiant his nostris multÒ grandiores: in quem finem singulis paginis apposita est scala modulorum. Hoc nomine intelliguntur partes Æquales, in quas dividuntur lineÆ latitudinis & altitudinis elevationum geometricarum; ac lineÆ latitudinis & longitudinis vestigiorum geometricorum. Si moduli sint parvi, subdividuntur singuli in duodecim partes; ac prout fuerint grandiores, subdividuntur in partes triginta, vel sexaginta, vel centumviginti. Modulos Etruscum DoricÚmque in partes duodecim; reliquos autem in octodecim partiti sunt.