Ut stylobatis imponere liceat columnas cum suis basibus & capitellis, docendus est modus qui servandus est in projectione optica circulorum, tum singularium, tum duplicium aut multiplicium circa idem centrum.

Vestigium geometricum A constat quadrato in quatuor partes Æquales diviso, cui circulus inscribitur, additis diagonalibus: & ubi hÆ secant circulum, fiunt rectÆ parallelÆ ad singula latera ipsius quadrati. Deinde quadratum cum omnibus divisionibus opticÈ imminuitur; ac tum per quatuor puncta ubi tres lineÆ rectÆ se intersecant, tum per quatuor extrema reliquarum duarum diametrorum circuli, ducetur cum venustate circumferentia circuli B. Si addere velimus alium circulum, vestigio geometrico C inscribetur aliud quadratum; indeque habebitur optica delineatio duplicis circuli D. Inter hos duos quomodo liceat describere tertium, per octo sectiones quadratorum, ostendunt figurÆ E & F. Uno verbo, circuli describuntur per quadrata, adhibendo sectiones visualium cum parallelis ad lineam plani; ac nullum est punctum in quadratis & circulis A, C, E, cui per sectiones illas nequeat inveniri punctum correspondens in quadratis & circulis B, D, F. Nihilominus ubi opus habeas pluribus circulis, autor tibi sum ne multiplices quadrata, plus confusionis allatura tibi quam adjumenti.