Elevatio geometrica B stylobatÆ Dorici continet eandem symmetriam partium quÆ habetur apud Barozzium; ex eaque eruitur vestigium geometricum A per lineas occultas, quÆ descendant ex punctis terminativis prÆcipuarum projecturarum. Earundem projecturarum distantiÆ transferendÆ sunt in lineam elevationis, notando puncta quÆ necessaria sunt ad deformandam elevationem longitudinis stylobatÆ.

Si ob propinquitatem lineÆ plani ad lineam horizontis, vestigium evadat confusum, fiant in distantia congrua sub linea plani aliÆ lineÆ planorum ipsi parallelÆ, cum suis vestigiis. Quid autem emolumenti afferat distantia major prÆ minori, ostendit vestigium E distinctiÙs vestigio D. Singula hÆc vestigia fiunt notando in linea cujuslibet plani mensuras latitudinis & longitudinis vestigii A, & ducendo lineas ad eadem puncta oculi ac distantiÆ.

Stylobatam nitidum descripsimus ex parte G, tum ex necessitate, tum ut videas, pro distantia FO, usurpandam esse distantiam GO penitus Æqualem.