Richard Gall was born in December 1776, at Linkhouse, near Dunbar. His father was a notary; but, being in poor circumstances, he apprenticed his son, in his eleventh year, to a relative, who followed the conjoined business of a builder and house-carpenter. The drudgery of heavy manual labour proved very uncongenial; and the apprentice suddenly took his departure, walking a long distance to Edinburgh, whither his parents had removed their residence. He now selected the profession of a printer, and entered on an indenture to Mr David Ramsay of the Edinburgh Evening Courant. At the close of his apprenticeship, he became Mr Ramsay's travelling clerk. In the ordinary branches of education, young Gall had been instructed in a school at Haddington; he took lessons in the more advanced departments from a private tutor during his apprenticeship. He wrote verses from his youth, and several of his songs became popular, and were set to music. His poetical talents attracted the attention of Robert Burns and Hector Macneill, both of whom cherished his friendship,—the former becoming his correspondent. He also shared the intimacy of Thomas Campbell, and of Dr Alexander Murray, the distinguished philologist. His promising career was brief; an abscess broke out in his breast, which medical skill could not subdue. After a lingering illness, he died on the 10th of May 1801, in his twenty-fifth year. He had joined a Highland volunteer regiment; and his remains were accompanied by his companions-in-arms to the Calton burial-ground, and there interred with military honours. Possessed of a lively and vigorous fancy, a generous warmth of temperament, and feelings of extreme sensibility, Richard Gall gave promise of adorning the poetical literature of his country. Patriotism and the beauties of external nature were the favourite subjects of his muse, which, as if premonished of his early fate, loved to sing in plaintive strains. Gall occasionally lacks power, but is always pleasing; in his songs (two of which have frequently been assigned to Burns) he is uniformly graceful. He loved poetry with the ardour of an enthusiast; during his last illness he inscribed verses with a pencil, when no longer able to wield the pen. He was thoroughly devoid of personal vanity, and sought to advance the poetical reputation of his country rather than his own. In his lifetime, his pieces were printed separately; a selection of his poems and songs, with a memoir by Alexander Balfour, was published in 1819.
HOW SWEET IS THE SCENE. How sweet is the scene at the waking o' morning!
How fair ilka object that lives in the view!
Dame Nature the valley an' hillock adorning,
The wild-rose an' blue-bell yet wet wi' the dew.
How sweet in the morning o' life is my Anna!
Her smiles like the sunbeam that glints on the lea;
To wander an' leave the dear lassie, I canna;
Frae Truth, Love, an' Beauty, I never can flee.
O lang hae I lo'ed her, and lo'ed her fu' dearly,
For saft is the smile o' her bonny sweet mou';
An' aft hae I read in her e'en, glancing clearly,
A language that bade me be constant an' true.
Then ithers may doat on their gowd an' their treasure;
For pelf, silly pelf, they may brave the rude sea;
To lo'e my sweet lassie, be mine the dear pleasure;
Wi' her let me live, an' wi' her let me die.
CAPTAIN O'KAIN. Flow saftly, thou stream, through the wild spangled valley;
Oh green be thy banks, ever bonny an' fair!
Sing sweetly, ye birds, as ye wanton fu' gaily,
Yet strangers to sorrow, untroubled by care.
The weary day lang
I list to your sang,
An' waste ilka moment, sad, cheerless, alane;
Each sweet little treasure
O' heart-cheering pleasure,
Far fled frae my bosom wi' Captain O'Kain.
Fu' aft on thy banks hae we pu'd the wild gowan,
An' twisted a garland beneath the hawthorn;
Ah! then each fond moment wi' pleasure was glowing,
Sweet days o' delight, which can never return!
Now ever, wae's me!
The tear fills my e'e,
An sair is my heart wi' the rigour o' pain;
Nae prospect returning,
To gladden life's morning,
For green waves the willow o'er Captain O'Kain.
MY ONLY JO AND DEARIE, O'. Thy cheek is o' the rose's hue,
My only jo an' dearie, O;
Thy neck is like the siller dew
Upon the banks sae briery, O;
Thy teeth are o' the ivory,
O, sweet 's the twinkle o' thine e'e!
Nae joy, nae pleasure, blinks on me,
My only jo an' dearie, O.
The birdie sings upon the thorn,
Its sang o' joy, fu' cheerie, O,
Rejoicing in the simmer morn,
Nae care to make it eerie, O;
But little kens the sangster sweet,
Ought o' the care I hae to meet,
That gars my restless bosom beat,
My only jo an' dearie, O.
Whan we were bairnies on yon brae,
An' youth was blinking bonny, O,
Aft we wad daff the lee lang day,
Our joys fu' sweet an' mony, O;
Aft I wad chase thee o'er the lea,
An' round about the thorny tree;
Or pu' the wild flowers a' for thee,
My only jo an' dearie, O.
I hae a wish I canna tine,
'Mang a' the cares that grieve me, O;
I wish that thou wert ever mine,
An' never mair to leave me, O;
Then I wad dawt thee night an' day,
Nae ither warldly care wad hae,
Till life's warm stream forgat to play,
My only jo an' dearie, O.
THE BONNIE BLINK O' MARY'S E'E.[110] Now bank an' brae are clad in green,
An' scatter'd cowslips sweetly spring;
By Girvan's fairy-haunted stream,
The birdies flit on wanton wing;
By Cassillis' banks, when e'ening fa's,
There let my Mary meet wi' me,
There catch her ilka glance o' love,
The bonnie blink o' Mary's e'e.
The chiel' wha boasts o' warld's wealth
Is aften laird o' meikle care;
But Mary she is a' my ain,
An' Fortune canna gie me mair.
Then let me stray by Cassillis' banks,
Wi' her, the lassie dear to me,
An' catch her ilka glance o' love,
The bonnie blink o' Mary's e'e.
THE BRAES O' DRUMLEE. Ere eild wi' his blatters had warsled me down,
Or reft me o' life's youthfu' bloom,
How aft hae I gane, wi' a heart louping light,
To the knowes yellow tappit wi' broom!
How aft hae I sat i' the beild o' the knowe,
While the laverock mounted sae hie,
An' the mavis sang sweet in the plantings around,
On the bonnie green braes o' Drumlee.
But, ah! while we daff in the sunshine of youth,
We see na' the blasts that destroy;
We count na' upon the fell waes that may come,
An eithly o'ercloud a' our joy.
I saw na the fause face that fortune can wear,
Till forced from my country to flee;
Wi' a heart like to burst, while I sobbed, "Farewell,
To the bonnie green braes o' Drumlee!
"Fareweel, ye dear haunts o' the days o' my youth,
Ye woods and ye valleys sae fair;
Ye 'll bloom whan I wander abroad like a ghaist,
Sair nidder'd wi' sorrow an' care.
Ye woods an' ye valleys, I part wi' a sigh,
While the flood gushes down frae my e'e;
For never again shall the tear weet my cheek,
On the bonnie green braes o' Drumlee.
"O Time, could I tether your hours for a wee!
Na, na, for they flit like the wind!"—
Sae I took my departure, an' saunter'd awa',
Yet aften look'd wistfu' behind.
Oh, sair is the heart of the mither to twin,
Wi' the baby that sits on her knee;
But sairer the pang, when I took a last peep,
O' the bonnie green braes o' Drumlee.
I heftit 'mang strangers years thretty-an'-twa,
But naething could banish my care;
An' aften I sigh'd when I thought on the past,
Whare a' was sae pleasant an' fair.
But now, wae 's my heart! whan I 'm lyart an' auld,
An' fu' lint-white my haffet-locks flee,
I 'm hamewards return'd wi' a remnant o' life,
To the bonnie green braes o' Drumlee.
Poor body! bewilder'd, I scarcely do ken
The haunts that were dear ance to me;
I yirded a plant in the days o' my youth,
An' the mavis now sings on the tree.
But, haith! there 's nae scenes I wad niffer wi' thae;
For it fills my fond heart fu' o' glee,
To think how at last my auld banes they will rest,
Near the bonnie green braes o' Drumlee.
I WINNA GANG BACK TO MY MAMMY AGAIN. I winna gang back to my mammy again,
I 'll never gae back to my mammy again;
I 've held by her apron these aught years an' ten,
But I 'll never gang back to my mammy again.
I 've held by her apron, &c.
Young Johnnie cam' down i' the gloamin' to woo,
Wi' plaidie sae bonny, an' bannet sae blue:
"O come awa, lassie, ne'er let mammy ken;"
An' I flew wi' my laddie o'er meadow an' glen.
"O come awa, lassie," &c.
He ca'd me his dawtie, his dearie, his doo,
An' press'd hame his words wi' a smack o' my mou';
While I fell on his bosom heart-flicher'd an' fain,
An' sigh'd out, "O Johnnie, I 'll aye be your ain!"
While I fell on his bosom, &c.
Some lasses will talk to their lads wi' their e'e,
Yet hanker to tell what their hearts really dree;
Wi' Johnnie I stood upon nae stapping-stane,
Sae I 'll never gae back to my mammy again.
Wi' Johnnie I stood, &c.
For many lang year sin' I play'd on the lea,
My mammy was kind as a mither could be;
I 've held by her apron these aught years an' ten,
But I 'll never gang back to my mammy again.
I 've held by her apron, &c.
THE BARD. Irish Air—"The Brown Maid." The Bard strikes his harp the wild valleys amang,
Whare the tall aiken trees spreading leafy appear;
While the murmuring breeze mingles sweet wi' his sang,
An' wafts the saft notes till they die on the ear;
But Mary, whase presence sic transport conveys,
Whase beauties my moments o' pleasure control,
On the strings o' my heart ever wantonly plays,
An' each languishing note is a sigh frae my soul!
Her breath is as sweet as the sweet-scented brier,
That blossoms and blaws in yon wild lanely glen;
When I view her fair form which nae mortal can peer,
A something o'erpowers me I dinna weel ken.
What sweetness her snawy white bosom displays!
The blink o' her bonny black e'e wha' can thole!
On the strings o' my heart she bewitchingly plays,
An' each languishing note is a sigh frae my soul!
LOUISA IN LOCHABER. Can ought be constant as the sun,
That makes the world sae cheerie?
Yes, a' the powers can witness be,
The love I bear my dearie.
But what can make the hours seem lang,
An' rin sae wondrous dreary?
What but the space that lies between
Me an' my only dearie.
Then fare ye weel, wha saw me aft,
Sae blythe, baith late and early;
An' fareweel scenes o' former joys,
That cherish life sae rarely;
Baith love an' beauty bid me flee,
Nor linger lang an' eerie,
But haste, an' in my arms enfauld,
My only pride an' dearie.
I 'll hail Lochaber's valleys green,
Where many a rill meanders;
I 'll hail wi' joy, its birken bowers,
For there Louisa wanders.
There will I clasp her to my breast,
An' tent her smile fu' cheerie;
An' thus, without a wish or want,
Live happy wi' my dearie.
THE HAZELWOOD WITCH. For mony lang year I hae heard frae my grannie
Of brownies an' bogles by yon castle wa',
Of auld wither'd hags that were never thought cannie,
An' fairies that danced till they heard the cock caw.
I leugh at her tales; an' last owk, i' the gloamin',
I daunder'd, alane, down the hazelwood green;
Alas! I was reckless, and rue sair my roamin',
For I met a young witch, wi' twa bonnie black e'en.
I thought o' the starns in a frosty night glancing,
Whan a' the lift round them is cloudless an' blue;
I looked again, an' my heart fell a-dancing,
When I wad hae spoken, she glamour'd my mou'.
O wae to her cantrips! for dumpish I wander,
At kirk or at market there 's nought to be seen;
For she dances afore me wherever I daunder,
The hazelwood witch wi' the bonnie black e'en.
FAREWELL TO AYRSHIRE.[111] Scenes of woe and scenes of pleasure,
Scenes that former thoughts renew;
Scenes of woe and scenes of pleasure,
Now a sad and last adieu!
Bonny Doon, sae sweet at gloamin',
Fare thee weel before I gang;
Bonny Doon, whare, early roamin',
First I weaved the rustic sang.
Bowers, adieu! where, love decoying,
First enthrall'd this heart o' mine;
There the saftest sweets enjoying,
Sweets that memory ne'er shall tine.
Friends sae near my bosom ever,
Ye hae render'd moments dear;
But, alas! when forced to sever,
Then the stroke, O how severe!
Friends, that parting tear reserve it,
Though 'tis doubly dear to me;
Could I think I did deserve it,
How much happier would I be.
Scenes of woe and scenes of pleasure,
Scenes that former thoughts renew;
Scenes of woe and scenes of pleasure,
Now a sad and last adieu!
|
  |
