A. G. Little

DOCUMENTS RELATING TO THE ACQUISITION OF LANDED PROPERTY BY THE GREY FRIARS.

1. William son of Richard Wileford (c. 1228).—2. Robert son of Robert Oen (1236).—3. Royal license to the Friars to enclose their lands (1244).—4. Purchase by the King of an island in the Thames (1245).—5. Grant of the same island to the Friars (1245).—6. Thomas de Valeynes, grant of two messuages (1245).—7. Laurence Wyche, grant of a messuage (1246).—8. Royal license to enclose (1248).—9. Royal grant to the Friars of the Sack (1265).—10. Grants from various persons (1310).—11. Grant by the King of the property of the Friars of the Sack to the Minorites (1310).—12. Regrant of the same (1319).—13. John Culvard, Inquisitio ad quod damnum (1319).—14. Grant by John de Grey de Rotherfield (1337).

1

Grant of a house by William de Wileford.

The following document is by far the earliest private deed relating to the English Franciscans now extant[1938], and very few grants in the Public Records are of greater antiquity. The original is to be found in the Oxford City Archives (No. 17). It is not dated, but it was executed during the mayoralty of John Pady, who held the office from 1227 to 1229[1939]. The document is in excellent preservation, and the seal of W. de Wileford is still attached.

Notum sit uniuersis Christi fidelibus, quod ego Willelmus filius Ricardi de Wileford concessi dimisi et liberaui Johanni Pady, tunc maiori Oxonie, et Andree Halegod et Laurencio Halegod et Philippo Molendinario et ceteris probis hominibus Oxonie, illam domum meam in parochia Sancte Abbe in Oxonia que aliquando fuit Ricardi de Wileford patris mei cum omnibus pertinentibus eiusdem domus, ad hospitandum fratres minores in perpetuum. Et si ita contigerit quod fratres minores a uilla Oxonie discesserint, et ibi amplius manere noluerint, ad hospitandum ibi aliquos probos uiros in elemosina, saluo quod dicti probi homines Oxonie et eorum heredes faciant Capitalibus dominis illius feodi annuale seruicium quod ad predictam terram pertinet, et reddendo michi et heredibus meis annuatim unam libram cymini ad festum Sancti Michaelis pro omni seruitio. Et ego dictus Willelmus et heredes mei warantizabimus predictum mesuagium cum pertinenciis predictis probis hominibus hereditarie sicut prediuisum est contra omnes homines et feminas, pro hac autem mea concessione dimisione liberatione et warantizatione predicti probi homines Oxonie ex elemosyna collecta dederunt michi quadraginta tres marcas sterlingorum. Et ut hac predicta rata permaneant huic scripto sigillum meum apposui.

Hiis testibus, Pentecost et Henrico filio Tome tunc prepositis, Roberto Oein, Henrico filio Henrici, Petro filio turoldi, Ricardo Mol(endinario), Ricardo Taillur, Milone drapario, Benedicto Mercer, Radulpho Palmer, Willelmo clerico, et aliis.

2

Grant of a house by Robert Oen, A. D. 1236.

Close Roll, 20 Hen. III, m. 9.

Rex Maiori et probis hominibus suis Oxon’ salutem. Quia per litteras vestras nobis directas accepimus quod sponte suscepistis in vos onus muragii ville Oxon’ quod ad platiam quam Robertus filius Roberti Oen tenuit iuxta domos fratrum minorum Oxon’, et quam idem Robertus eisdem fratribus dedit in augmentum mansionis sue: Vobis mandamus quod eisdem fratribus de predicta platia plenam seisinam habere faciatis; Ita quod predictus Robertus, qui prius fuit liber hospes prioris et fratrum sancti Johannis Jerusalem in Anglia in predicta platia, eandem libertatem habeat in corpore domus sue in qua nunc manet alibi in eadem villa in parochia sancti Michaelis ad portam Borealem. Teste ut supra (i.e. Rege apud Gloucestriam iii^o die Julii).

3

License to enclose their possessions and throw down part of the old wall, A. D. 1244.

Pat. 29 Hen. III, m. 9 (printed in Mon. Franc. I. 616).

Pro fratribus Minoribus Oxon’. Rex concessit fratribus minoribus Oxon’ ad maiorem quietem et securitatem habitacionis sue, quod possint claudere uicum qui extenditur sub muro Oxon’ a porta que dicitur Watergat’ in parochia Sancte Ebbe usque ad paruum posticum eiusdem muri uersus castrum; Ita quod murus karnollatus similis reliquo muro eiusdem municipij fiat circa prefatam habitationem incipiens ab occidentali latere dicte porte de Watergat’, et se extendens uersus austrum vsque ad ripam tamisie et inde protendens super eandem Ripam uersus occidentem vsque ad feodum Abbatis de Becco in parochia Sancti Bodhoci, iterum reflectatur uersus Aquilonem usquequo coniungatur cum ueteri muro prefati Burgi iuxta latus orientale prenominati posticij (sic) parui. Rex etiam concessit eisdem ad continuandum locum nouum cum ueteri, quod possint prosternere de muro antiquo quantum extenditur habitatio ipsorum infra eundem. Saluo tamen semper nobis et heredibus nostris, Regibus Anglie, libero transitu per medium loci noui, in quolibet aduentu nostro ibidem. In cuius, etc. Teste Rege apud S. Albanum, xxii die Dec.

Et mandatum est vicecomiti Oxon’, Maiori et Balliuis Oxon’, quod id fieri permittant. Teste ut supra.

4

Island in the Thames, A. D. 1245 (see below).

Liberate Roll, 29 Hen. III, m. 9.

Rex Baronibus de Scaccario salutem. Allocate Henrico filio Henrici Simeonis in fine lx marcarum quem fecit nobiscum eo quod inponebatur ei quod interfuit interfectioni cuiusdam scolaris Oxon’ xxv Marcas quas debuimus Henrico Simeonis patri suo pro quadam Insula in aqua Tamisis apud Oxoniam quam ab eo emimus, et quas ipse petebat eidem filio suo in fine predicto allocari. Teste ut supra (i.e. King at Windsor, April 22nd).

5

Grant of the island to the Friars Minors, A. D. 1245.

Pat. 29 Hen. III, m. 6 (printed in Mon. Franc. I. 615.)

Pro fratribus Minoribus.

Rex omnibus salutem. Sciatis quod ad ampliacionem aree in qua de nouo hospitari ceperunt ffratres Minores Oxon’, assignauimus Insulam nostram in fluuio Thamis’ quam emimus ab Henrico filio Henrici Simeonis, concedentes eis et volentes, quod ipsi pontem fieri faciant ultra brachium illud Thamis’ quod currit inter insulam predictam et domos suas, et quod Eandem Insulam ad securitatem domorum suarum et tranquillitatem Religionis sue muro uel alio modo, sicut sibi uiderint expedire, faciant includi. In huius Rei testimonium etc. Teste ut supra (i.e. Rege apud Westmonasterium xxii die Aprilis).

Et mandatum est vicecomiti Oxon’ quod Insulam illam eis habere faciat. Teste Rege apud Wind(esor) xxiiij die Aprilis.

6

Grant of two messuages by Thomas de Valeynes, 1245.

Feet of Fines, Oxon; 29 Hen. III, m. 40.

Hec est finalis concordia facta in curia domini Regis apud Westmonasterium a die Purificacionis beate Marie (Feb. 2nd) in Tres septimanas, anno regni Regis Henrici filii Regis Johannis vicesimo Nono, coram Henrico de Bathonia, Rogero de Thurkelby, Roberto de Notingham, Jollano de Nevill, Gilberto de Preston et Johanne de Cobeham, Justiciariis, et aliis domini Regis fidelibus tunc ibi presentibus. Inter Thomam de Valeynes querentem et Symonem filii Benedicti et Leticiam uxorem eius Inpedientes, de duobus Mesuagiis cum pertinentiis in suburbio Oxon’ unde placitum Warantie carte summonitum[1940] fuit Inter eos in eadem curia, scilicet quod predicti Symon et Leticia recognoverunt predicta mesuagia cum pertinentiis esse ius ipsius Thome, ut illa que Idem Thomas habet de dono predictorum Symonis et Leticie; Habenda et Tenenda eidem Thome et heredibus suis de capitalibus dominis feodi illius imperpetuum, faciendo inde omnia seruicia que ad predicta mesuagia pertinent. Et predicti Symon et Leticia et heredes ipsius Leticie Warantizabunt, adquietabunt, et defendent eidem Thome et heredibus suis predicta mesuagia cum pertinentiis per predicta seruicia contra omnes homines imperpetuum. Et pro hac recognitione, Warantia, adquietancia, defensione, fine et concordia, Idem Thomas ad peticionem predictorum Symonis et Leticie attornauit et assignauit predicta mesuagia cum pertinentiis in augmentum aree in qua hospitantur fratres minores Oxon’ commorantes, in puram et perpetuam elemosinam, liberam et quietam ab omni seculari seruicio et exactione in perpetuum. Et preterea idem Thomas dedit et concessit predicte Leticie unum mesuagium cum pertinentiis extra portam Aquilonarem Oxon’ in angulo de Horsmongharestrete iuxta terram Reginaldi Gamages, simul cum fabrica quam Hugo Marescall tenet, que scilicet Mesuagium et fabricam Benedictus le Mercer pater predicti Symonis aliquando tenuit; Habenda et Tenenda eisdem Symoni et Leticie et heredibus ipsius Leticie de capitalibus dominis feodi illius imperpetuum, faciendo inde omnia seruicia que ad predicta tenementa pertinent: Ita tamen quod non licebit predicto Symoni predicta tenementa dare, vendere, assignare, vel legare, vel aliquo alio modo alienare, quominus illa tenementa remaneant predicte Leticie et heredibus suis in perpetuum.

7

Grant of a messuage by Laurence Wych, A. D. 1246.

Pat. 31 Hen. III, m. 8.

Pro fratribus Minoribus Oxon’. Rex omnibus etc. Salutem. Sciatis quod (ad) amplificationem aree ffratrum Minorum Oxon’ assignauimus eis totum mesuagium illud cum pertinenciis quod laurencius Wych maior noster Oxon’ nobis reddidit et commisit ad amplificationem aree predictorum ffratrum, concedentes eis et uolentes, quod, ad securitatem domorum suarum et tranquillitatem religionis sue, muro uel alio modo, sicut sibi uiderint expedire, illud faciant includi. In cuius etc. Teste Rege apud Clarendon xxvij die Nouembris.

Et Mandatum est vicecomiti Oxon’ quod mesuagium illud loco Regis recipiat ad opus eorundem ffratrum.

8

License to enclose their new possessions; the city wall to be repaired, A. D. 1248.

Pat. 32 Hen. III, m. 10 (printed in Mon. Franc. I. 617).

Pro fratribus minoribus Oxon’.

Rex omnibus etc. salutem. Noueritis nos intuitu pietatis concessisse ut vicus qui extenditur sub muro Oxon’ a porta que dicitur Watergat’ in parochia Ste. Ebbe vsque ad paruum posticum eiusdem muri uersus Castrum claudatur propter maiorem securitatem et quietem fratrum minorum iuxta dictum vicum habitancium, quamdiu domino loci placuerit. Saluo tamen nobis et heredibus nostris, Regibus Anglie, libero transitu per medium Noui loci in quolibet aduentu nostro ibidem. Concedimus etiam ut latus aquilonare capelle in prefato vico constructe et construende suplere (sic) possit prenominati muri interruptionem, quantum se extendere debet, ceteris eiusdem muri rupturis in integrum reparatis ut prius, excepto paruo posticu in dicto muro, per quod possint dicti fratres ire et redire de nouo loco in quo modo hospitantur ad priorem locum in quo prius hospitabantur. In cuius, etc. Teste Rege apud Westmonasterium, x die febr’.

This concession is repeated and confirmed in Patent Roll 18 Edw. III. m. 19 (A. D. 1344).

9

Royal grant to the Friars of the Penitence of Jesus Christ or Friars of the Sack, 1265.

Pat. 49 Hen. III, m. 24.

As the Minorites subsequently obtained the ‘area’ of the Friars of the Sack, records relating to this property will naturally find a place here. On May 7th, 1262, the king gave them permission,

quod in area sibi collata[1941], quam habent in parochia ecclesie Sancti Boduci Oxonie, in qua ius patronatus habemus, oratorium construere possint ad diuina ibidem celebranda (Pat. Roll 46 Hen. III, m. 11).

On February 5th, 1265, he made them a further grant (Pat. 49 Hen. III, m. 24), and on February 8th, 1265, this second grant was again made in greater detail (ibidem). It is this last which is here quoted.

Pro fratribus de penitencia Ihu Xpi Oxon’. Rex episcopo Lincolniensi salutem. Cum ecclesia sancti Budoci in suburbio Oxon’ nostri patronatus per amocionem et decessum parochianorum eiusdem ecclesie iam in tantum depauperata sit et adnullata, quod fructus et obuenciones eiusdem ad sustentacionem vnius capellani ministrantis in eadem non sufficiunt, vt veraciter accepimus; ac fratres de penitencia Ihu quendam situm habeant ibidem contiguum ecclesie predicte, in quo domos suas construxerunt, deo famulari proponentes ibidem: nos, intuitu caritatis et pro salute anime nostre et animarum antecessorum et heredum nostrorum, dictis fratribus ecclesiam predictam cum cimiterio eiusdem et domibus existentibus in eodem et ad ecclesiam eandem pertinentibus, quantum ad nos pertinet, concessimus pro nobis et heredibus nostris habendam sibi et successoribus suis, videlicet ad faciendam inde sibi capellam in qua diuina celebrare possint inperpetuum, ita quod cimiterium predictum tanquam cimiterium benedictum in statu suo remaneat. In cuius, etc. Teste Rege apud Westmonasterium, octauo die februarii. Et habent dicti fratres litteram aliam (?) sub hac forma, ‘Rex omnibus etc.’[1942]

10

Grants from various persons, A. D. 1310.

Pat. 3 Edward II, m. 14.

Rex omnibus ad quos etc. salutem. Sciatis quod de gratia nostra speciali concessimus et licenciam dedimus pro nobis et heredibus nostris quantum in nobis est, dilectis nobis in Christo Gardiano et fratribus de ordine Minorum Oxon’, quod ipsi de Johanne Wyz et Emma uxore eius quandam placeam terre in Oxonia continentem in se ab oriente versus occidentem quinque perticatas et duos pedes terre et ab aquilone versus austrum duas perticatas terre et dimidiam: et de Henrico Tyeys quandam placeam terre iacentem inter placeam in qua ecclesia Sancti Budoci edificata fuit et aqua (sic) Thamisis, que quidem placea continet in se sex perticatas terre in longitudine et quinque perticatas terre in latitudine; et quandam aliam placeam terre extendentem se ab aqua Thamisis vsque ad predictam placeam terre que fuit Ricardi le Lodere, et continentem in se in longitudine quatuordecim perticatas et dimidiam et quinque pedes terre et in latitudine quatuor perticatas et tres pedes terre: et quandam aliam placeam terre continentem in se in longitudine ab aqua Thamisis vsque ad viam regalem sexdecim perticatas terre et dimidiam et in latitudine decem perticatas terre, placee dictorum Gardiani et fratrum ibidem contiguas; adquirere possint habendas sibi et successoribus suis ad elargacionem placee sue predicte imperpetuum, statuto de terris et tenementis ad manum mortuam non ponendis edito non obstante. In cuius, etc. Teste Rege apud Westmonasterium xxviij die Marcij; per ipsum Regem.

11

Grant of the property of the Friars of the Penitence of Jesus Christ to the Friars Minors, A. D. 1310.

Pat. 3 Edward II, m. 9.

Rex omnibus ad quos etc. salutem. Licet de communi consilio regni nostri statutum sit, quod non liceat viris Religiosis seu aliis ingredi feodum alicuius ita quod ad manum mortuam deueniat sine licencia nostra et capitalis domini de quo illa (sic) immediate tenetur; Volentes tamen dilectis nobis in Christo Gardiano et fratribus de ordine Minorum Oxon’ gratiam facere specialem, concessimus et licenciam dedimus pro nobis et heredibus nostris, quantum in nobis est, eisdem Gardiano et fratribus, quod ipsi quandam placeam terre in suburbio Oxon’ placee dictorum Gardiani et fratrum in eadem villa contiguam, continentem viginti perticatas terre et dimidiam in longitudine, et sex perticatas terre in latitudine ad capud australe, et ad capud boriale duas perticatas et quatuor pedes terre, et medio inter capud australe et capud boriale quatuor perticatas et septem pedes terre, in qua placea aliquo tempore fuit quedam ecclesia parochialis sancti Budoci cum quodam cimiterio pertinente ad eandem ecclesiam, quam quidem placeam cum dicto cimiterio dominus H. quondam Rex Anglie auus noster per cartam suam dedit et concessit fratribus de ordine de penitencia Ihu Xpi Oxon’ pro quadam capella ibidem construenda in qua diuina celebrare possent: Ita quod cimiterium predictum tanquam cimiterium benedictum in suo statu remaneret, sic(ut) per quandam inquisicionem per dilectum et fidelem nostrum Walterum de Gloucestria Escaetorem nostrum citra Trentam de mandato nostro inde factam et in Cancellaria nostra retornatam est compertum de predictis fratribus de penitencia Ihu Xpi, perquirere possint et tenere sibi et successoribus suis ad elargacionem placee sue predicte imperpetuum, Ita tamen quod Cimiterium predictum tanquam benedictum in suo statu remaneat imperpetuum. Nolentes quod predicti Gardianus et fratres aut successores sui ratione premissorum per nos vel heredes nostros, Justiciarios, Escaetores, Vicecomites aut alios balliuos seu Ministros nostros quoscunque occasionentur, molestentur in aliquo, seu grauentur. In cuius, etc. Teste Rege apud Westmonasterium xxviij die Marcii per ipsum Regem.

12

Regrant of the property of the Friars of the Penitence of Jesus Christ to the Friars Minors, A. D. 1319.

Pat. 12 Edward II, part 2, m. 25.

This document was probably intended as a protest against the claim implied in the papal grant of the same property, as already explained (Chapter II), or perhaps merely as an additional confirmation of the friars’ title.

Pro fratribus de ordine minorum Oxon’. Rex omnibus ad quos etc. salutem. Sciatis quod cum fratres de ordine Minorum Oxon’ totam illam aream que quondam fuit fratrum de penitencia Ihu Xpi Oxon’ in suburbio Oxon’ aree dictorum fratrum de ordine Minorum ibidem contiguam de eisdem fratribus de penitencia Ihu Xpi adquisivissent, et iidem fratres de ordine Minorum aream illam adeo integre sicut ad manus suas devenit, nobis dederint et in manus nostras reddiderint habendam nobis et heredibus nostris imperpetuum: Nos, ob affectionem quam ad dictum ordinem fratrum Minorum gerimus et habemus, volentes eis graciam facere specialem, dedimus eis et concessimus pro nobis et heredibus nostris, quantum in nobis est, aream predictam nobis sic redditam cum pertinenciis, habendam sibi et successoribus suis fratribus eiusdem ordinis apud Oxoniam commorantibus, ad elargacionem aree sue predicte, in liberam puram et perpetuam elemosinam, salvo iure cuiuslibet. In cuius, etc. Teste Rege apud Eboracum vi^to die Marcii, per ipsum Regem.

13

Inquiry held at Oxford, A. D. 1319, into the advisability of allowing John Culvard to grant land to the Friars Minors.[1943]

Inquisitio ad quod damnum 12 Edw. II, No. 47.

Edwardus dei gracia Rex Anglorum dominus hibernie et dux Aquitanie, Magistro Ricardo de Clare Escaetori suo vltra Trentam, salutem. Mandamus vobis, quod per sacramentum proborum et legalium hominum de Balliua vestra, per quos rei Veritas melius sciri poterit, diligenter inquiratis, si sit ad dampnum vel preiudicium nostrum aut aliorum, si concedamus Johanni Culuard de Oxonia, quod ipse quandam placeam terre cum pertinenciis in Oxonia, manso dilectorum nobis in Xpo Gardiani et fratrum de ordine minorum in eadem villa ex parte orientali contiguam, continentem in se in longitudine sex perticatas terre et in latitudine quinque perticatas terre, dare possit et assignare eisdem Gardiano et fratribus habendam et tenendam sibi et successoribus suis ad elargacionem mansi sui predicti imperpetuum, necne. Et si sit ad dampnum vel preiudicium nostrum aut aliorum, tunc ad quod dampnum et quod preiudicium nostrum, et ad quod dampnum et ad quod preiudicium aliorum, et quorum, et qualiter, et quo modo; de quo vel de quibus placea illa teneatur, et per quod seruicium, et qualiter et quo modo; et quantum valeat per annum in omnibus exitibus iuxta verum valorem eiusdem; et qui et quot sunt (sic) medii inter nos et prefatum Johannem de placea predicta; et que terre et que tenementa eidem Johanni remaneant vltra donacionem et assignacionem predictas, et vbi et de quo vel de quibus teneantur, et per quod seruicium, et qualiter et quod modo, et quantum valeant per annum in omnibus exitibus; et si terre et tenementa eidem Johanni remanencia vltra donacionem et assignacionem predictas sufficiant ad consuetudines et seruicia tam de predicta placea sic data quam de aliis terris et tenementis sibi retentis debita facienda, et ad omnia alia onera que sustinuit et sustinere consueuit, vt in sectis, visibus franci plegii, auxiliis, tallagiis, vigiliis, finibus, redempcionibus, amerciamentis, contribucionibus, et aliis quibuscumque oneribus emergentibus sustinenda. Et quod idem Johannes in assisis iuratis et aliis recognicionibus quibuscumque poni possit, prout ante donacionem et assignacionem predictas poni consuevit. Ita quod patria per donacionem et assignacionem predictas in ipsius Johannis defectum magis solito non oneretur seu grauetur. Et inquisicionem inde distincte et aperte factam nobis, sub sigillo vestro et sigillo eorum per quos facta fuerit, sine dilacione mittatis et hoc breue. Teste me ipso apud Eboracum, v die Marcii, anno regni nostri duodecimo.

Inquisicio capta coram Escaetore domini Regis citra Trentam apud Oxoniam xviii^o die Maii anno regni Regis Edwardi filii Regis Edwardi duodecimo, secundum formam breuis huic inquisicioni consuti, per sacramentum Johannis de Coleshull, Willelmi Pennard, Rogeri Mymekan, Gilberti de Grensted, Thome Somer, Willelmi de Whatele, Roberti de Watlington, Johannis de Gunwardeby, Johnnis de Ew, Henrici de Edrope, Ricardi de Hethrop, et Willelmi de Eueston. Qui dicunt per sacramentum suum, quod non est ad dampnum nec preiudicium domini Regis nec aliorum, si dominus Rex concedat Johanni Culuard de Oxonia quod ipse quandam placeam terre cum pertinenciis in Oxonia, manso Gardiani et ffratrum de ordine minorum in eadem villa ex parte orientali contiguam, continentem in se in longitudine sex perticatas terre et in latitudine quinque perticatas terre, dare possit et assignare eisdem Gardiano et ffratribus, habendam et tenendam sibi et successoribus suis ad elargacionem mansi sui predicti imperpetuum: Ita tamen quod communitas ville Oxon’ in omnibus temporibus quando necesse fuerit liberum habeat introitum et egressum ibidem ad murum ville predicte reficiendum reparandum et defendendum. Et dicunt quod predicta placea tenetur de Willelmo de Adreston’ in capite per seruicium vnius denarii per annum pro omni seruicio; et quod predicta placea valet per annum ij^s in omnibus exitibus iuxta verum valorem eiusdem; et quod non sunt plures medii inter dominum Regem et prefatum Johannem de placea predicta nisi predictus Willelmus de Adreston’. Et dicunt quod eidem Johanni vltra donacionem et assignacionem predictas remanent sexaginta solidi terre tenement’ et redditus in eadem villa que de domino Rege tenentur in capite pro seruicio ij sol’ per annum pro omni seruicio. Et dicunt quod terre et tenementa eidem Johanni remanencia ultra donacionem et assignacionem predictas sufficiunt ad consuetudines et seruicia tam de predicta placea sic data quam de aliis terris et tenementis sibi retentis debita facienda, et ad omnia alia onera que sustinuit et sustinere consueuit. Et quod idem Johannes in assisis iuratis et aliis recognicionibus quibuscumque poni possit, prout ante donacionem et assignacionem predictas poni consueuit. Ita quod patria per donacionem et assignacionem predictas in ipsius Johannis defectum magis solito non oneretur seu grauetur. In cuius rei testimonium predicti Jurati huic Inquisicioni sigilla sua apposuerunt. Dat’ predictis die, anno, et loco.

The license to alienate this land was granted to John Culvard on the 8th of July of the same year, and is entered in the Patent Roll for 13 Edw. II, m. 44. The same year similar inquisition was held to consider the petition of Richard Cary to grant land to the Friars Minors at Oxford; Inquis. ad quod damnum 13 Edw. II, no. 31.

14

Grant of a parcel of ground by John de Grey de Rotherfield, A. D. 1337.

Pat. Roll 11, Edw. III, pt. II, m. 6.

A certain interest attaches to this deed as recording the last gift of land to the Oxford Minorites, of which evidence remains—probably the last gift ever made.

Pro Gardiano et fratribus ordinis Minorum Oxon’ de acquirendo ad elargacionem mansi.

Rex omnibus ad quos, etc. salutem. Licet de communi consilio regni nostri statutum sit, quod non liceat viris religiosis seu aliis ingredi feodum alicuius ita quod ad manum mortuam deueniat sine licencia nostra et capitalis domini de quo res illa immediate tenetur; Volentes tamen dilectis nobis in Christo Gardiano et fratribus ordinis minorum in villa Oxon’ graciam facere specialem; concessimus et licenciam dedimus pro nobis et heredibus nostris, quantum in nobis est, dilecto et fideli nostro Johanni de Grey de Retherfeld, quod ipse quandam placeam terre cum pertinenciis in villa predicta manso predictorum Gardiani et fratrum ibidem ex parte orientali contiguam, continentem in se in longitudine sex perticatas terre et in latitudine quinque perticatas terre, dare possit et assignare eisdem Gardiano et fratribus, habendam et tenendam sibi et successoribus suis ad elargacionem mansi sui predicti imperpetuum: et eisdem Gardiano et fratribus, quod ipsi placeam predictam cum pertinenciis a prefato Johanne recipere possint et tenere sibi et successoribus suis predictis ad elargacionem mansi sui predicti imperpetuum, sicut predictum est tenore presencium, similiter licenciam dedimus specialem. Nolentes quod predictus Johannes vel heredes sui, seu predicti Gardianus et fratres aut successores sui, racione statuti predicti per nos vel heredes nostros inde occasionentur in aliquo seu grauentur. Saluis tamen capitalibus dominis feodi illius seruiciis inde debitis et consuetis. In cuius, etc. Teste Rege apud Westmonasterium, xix die Augusti.