(See “Livre des Miracles de Madame Sainte Katherine de Fierboys”. MSS. Bib. Nat. 7335, fol. lxxxiv.)

Le xvi jour du moys de janvier, l’an mil cccc. xxx., vint en la chapelle de cÉans Norman Leslie de Pytquhoulle, escoth, escuyer de la compagnie de Hugues Cande, capitaine. {40} Lequel dist et afferma par serment estre vray le miracle cy aprÈs declairÉ. C’est assavoir que le dit Leslie fut prins des Anglois À Paris le jour de la NativitÉ de Nostre Dame de l’an dernier passÉ. Lequel Norman Leslie avoit entrÉ dans la ville de Paris avec c. Escossoys en guise d’Angloys, lesqueuls Escossoys furent prins des Angloys, et ledit Norman fut mis en fers et en ceps. Et estoit l’intention de ceux qui l’avoient pris de le faire lendemain ardre, parce qu’il portoit robe de femme par maniÈre de ruse de guerre.

Si s’avint que ledit Norman se voua À Madame Sainte Katherine, qu’il luy pleust prier Dieu qu’il le voulsist delivrer de la prison ou il estoit; et incontinent qu’il pourroit estre dehors, il yroit mercier Madame Sainte Katherine en sa chapelle de Fierboys. Et incontinent son veu fait si s’en dormit, et au reveiller trouva en la tour avecques luy un Singe, qui lui apporta deux files, et un petit cousteau. Ainsi il trouva maniÈre de se deferrer, et adoncques s’en sortit de la prison emportant avecques luy le singe. Si se laissoit cheoir a val en priant Madame Sainte Katherine et chut a bas, et oncques ne se fist mal, et se rendit À Saint Denys ou il trouvoit des compagnons Escossoys.

Et ainsy ledit Norman Leslie s’en est venu audit lieu de Fierboys, tout sain et sauf, emportant avecques luy ledit singe, qui est beste estrange et fol de son corps. Et a jurÉ ledit Norman ce estre vray par la foy et serment de son corps.

Presens messire Richart Kyrthrizian, frÈre Giles Lacourt, prestres gouverneurs de la dite chapelle, et messire Hauves Polnoire, peintre du Roy, et plusieurs aultres.