  A PIOBRACH HEARD WAILING DOWN GLENTANNER ON THE EXILE OF THREE GENERATIONS. Och hey, Kinreen o' the Dee! Kinreen o' the Dee! Kinreen o' the Dee! Och hey, Kinreen o' the Dee! I'll blaw up my chanter, I've rounded fu' weel, To mony a ranter, In mony a reel, An' pour'd a' my heart i' the win'bag wi' glee: Och hey, Kinreen o' the Dee! For licht wis the laughter in bonny Kinreen, An' licht wis the footfa' that glanced o'er the green, An' licht ware the hearts a' an' lichtsome the eyne, Och hey, Kinreen o' the Dee! Kinreen o' the Dee! Kinreen o' the Dee! Och hey, Kinreen o' the Dee! The auld hoose is bare noo, A cauld hoose to me, The hearth is nae mair noo, The centre o' glee, Nae mair for the bairnies the bield it has been, Och hey, for bonny Kinreen! The auld folk, the young folk, the wee anes, an' a', A hunder years' hame birds are harried awa', Are harried an' hameless, whatever winds blaw, Och hey, Kinreen o' the Dee! &c. Fareweel my auld pleugh lan', I'll never mair pleugh it: Fareweel my auld cairt an' The auld yaud Fareweel my auld kailyard, ilk bush an' ilk tree! Och hey, Kinreen o' the Dee! Fareweel the auld braes, that my hand keepit green, Fareweel the auld ways where we waunder'd unseen Ere the star o' my hearth came to bonny Kinreen, Och hey, Kinreen o' the Dee! &c. The auld kirk looks up o'er The dreesome auld dead, Like a saint speakin' hope o'er Some sorrowfu' bed. Fareweel the auld kirk, an' fareweel the kirk green, They tell o' a far better hame than Kinreen! The place we wad cling to—puir simple auld fules, O' our births an' our bridals, oor blesses an' dools, Whare oor wee bits o' bairnies lie cauld i' the mools. I aft times hae wunder'd If deer be as dear, As sweet ties o' kindred, To peasant or peer; As the tie to the hames o' the land born be, Och hey, Kinreen o' the Dee! The heather that blossoms unkent o' the moor, Wad dee in his lordship's best greenhoose, I'm sure, To the wunder o' mony a fairy land flure. Och hey, Kinreen o' the Dee! &c. Though little the thing be, Oor ain we can ca'; That little we cling be, The mair that it's sma'; Though puir wis oor hame, an' thogh wild wis the scene, 'Twas the hame o' oor hearts: it was bonnie Kinreen. An yet we maun leave it, baith grey head an bairn; Leave it to fatten the deer o' Cock-Cairn, O' Pannanich wuds an' o' Morven o' Gairn. Och hey, Kinreen o' the Dee! Kinreen o' the Dee! Kinreen o' the Dee! Sae Fareweel for ever, Kinreen of the Dee! That's a tough old fellow CANNY!Sportsman. "That's a tough old fellow, Jemmy!" Keeper. "Aye, sir, a grand bird to send to your freens!" EXPERTO CREDE EXPERTO CREDETourist (on approaching hostelry). "What will you have, coachman?" Driver. "A wee drap whuskey, sir, thank you." Tourist. "All right I'll get down and send it out to you." Driver. "Na, na, gie me the saxpence. They'll gie you an unco sma' gless!" A LAMENT FROM THE NORTH A LAMENT FROM THE NORTH"And then the weather's been so bad, Donald!" "Ou ay, sir. Only three fine days—and twa of them snappit up by the Sawbath!" |
|
