1. Onenh weghniserade wakatyerenkowa desawennawenrate ne kenteyurhoton. Desahahishonne donwenghratstanyonne ne kentekaghronghwanyon. Tesatkaghtoghserontye ronatennossendonghkwe yonkwanikonghtaghkwenne, konyennetaghkwen. Ne katykcnh nayoyaneratye ne sanikonra? Daghsatkaghthoghseronne ratiyanarenyon onkwaghsotsherashonkenhha; neok detkanoron ne shekonh ayuyenkwaroghthake jiratighrotonghkwakwe. Ne katykenh nayuyaneratye ne sanikonra desakaghserentonyonne?

2. Niyawehkowa katy nonwa onenh skennenji thisayatirhehon. Onenh nonwa oghseronnih denighroghkwayen. Hasekenh thiwakwekonh deyunennyatenyon nene konnerhonyon, "Ie henskerighwaghfonte." Kenyutnyonkwaratonnyon, neony kenyotdakarahon, neony kenkontifaghsoton. Nedens aesayatyenenghdon, konyennedaghkwen, neony kenkaghnekdnyon nedens aesayatyenenghdon, konyennethaghkwen, neony kenwaseraketotanese kentewaghsatayenha kanonghsakdatye. Niyateweghniserakeh yonkwakaronny; onidatkon yaghdekakonghsonde oghsonteraghkowa nedens aesayatyenenghdon, konyennethaghkwen.

3. Niyawenhkowa kady nonwa onenh skennenjy thadesarhadiyakonh. Hasekenh kanoron jinayawenhon nene aesahhahiyenenhon, nene ayakotyerenhon ayakawen, "Issy tyeyadakeron, akwah deyakonakorondon!" Ayakaweron oghnonnekenh niyuiterenhhatye, ne konyennedaghkwen.

4. Rotirighwison onkwaghsotshera, ne ronenh, "Kenhenyondatsjistayenhaghse. Kendeyughnyonkwarakda eghtenyontatitenranyon orighokonha." Kensane yeshotiriwayen orighwakwekonh yatenkarighwentaseron, nene akwah denyontatyadoghseronko. Neony ne ronenh, "Ethononweh yenyontatenonshine, kanakdakwenniyukeh yenyontatideron."

5. Onenh kady iese seweryenghskwe sathaghyonnighshon:

Karhatyonni.
Oghskawaserenhon.
Gentiyo.
Onenyute.
Deserokenh.
Deghhodijinharakwenh.
Oghrekyonny.
Deyuyewenton.

Etho ne niwa ne akotthaghyonnishon.

6. Onenh nene shehhawah deyakodarakeh ranyaghdenghshon:

Kaneghsadakeh.
Onkwehieyede.
Waghkerhon.
Kahhendohhon.
Dhogvvenyoh.
Kayyhekwarakeh.

Etho ne niwa ne ranyaghdenshon.

7. Onenh nene jadadeken roskerewake:

Deyaokenh.
Jonondese.
Otskwirakeron.
Onaweron.

8. Onenh nene onghwa kehaghshonha:

Karhawenghradongh.
Karakenh.
Deyuhhero.
Deyughsweken.
Oxdenkeh.

Etho ne niwa roghskerewake. Eghnikatarakeghne orighwakayongh.

9. Ne kaghyaton jinikawennakeh ne dewadadenonweronh, "ohhendonh karighwadeghkwenh" radiyats. Doka enyairon, "Konyennedaghkwen; onenh weghniserade yonkwatkennison. Rawenniyo raweghniseronnyh. Ne onwa konwende yonkwatkennison nene jiniyuneghrakwah jinisayadawen. Onenh oaghwenjakonh niyonsakahhawe jinonweh nadekakaghneronnyonghkwe. Akwah kady okaghserakonh thadetyatroghkwanekenh."

10. "Onenh kady yakwenronh, wakwennyonkoghde okaghsery, akwah kady ok skennen thadenseghsatkaghthonnyonhheke."

11. "Nok ony kanekhere deyughsihharaonh ne sahondakon. Onenh kady watyakwaghsiharako waahkwadeweyendonh tsisaronkatah, kady nayawenh ne skennen thensathondeke enhtyewenninekenneh."

12. "Nok ony kanekhere deyughsihharaonh desanyatokenh. Onenh kady hone yakwenronh watyakwaghsihharanko, akwah kady ok skennen deghsewenninekenne dendewadatenonghweradon."

13. Onenh are oya, konyennethaghkwen. Nene kadon yuneghrakwah jinesadawen. Niyadeweghniserakeh sanekherenhonh ratikowanenghskwe. Onghwenjakonh niyeskahhaghs; ken-ony rodighskenrakeghdethaghkwe, ken-ony sanheghtyensera, ken-ony saderesera. Akwagh kady ok onekwenghdarihengh thisennekwakenry.

14. Onenh kady yakwenronh wakwanekwenghdarokewanyon jisanakdade, ogh kady nenyawenne seweghniserathagh ne akwah ok skennen then kanakdiyuhake ji enghsitskodake denghsatkaghdonnyonheke.

15. Onenh nene Karenna,

Yondonghs "Aihaigh."

Kayanerenh dcskenonghweronne;
Kheyadawenh deskenonghweronne;
Oyenkondonh deskenonghweronne;
Wakonnyh deskenonghweronne.
Ronkeghsotah rotirighwane,—
Ronkeghsota jiyathondek.

16. Enskat ok enjerennokden nakwah oghnaken nyare enyonghdentyonko kanonghsakonghshon, enyairon.

17. "A-i Raxhottahyh! Onenh kajatthondek onenh enyontsdaren ne yetshiyadare! Ne ji onenh wakarighwakayonne ne sewarighwisahnonghkwe ne kayarenghkowah. Ayawenhenstokenghske daondayakotthondeke."

18. "Na-i Raxhottahyh! Ne kenne iesewenh enyakodenghthe nene noghnaken enyakaonkodaghkwe."

19. "Na-i Raxhottahyh! Onenh nonwa kathonghnonweh dhatkonkoghdaghkwanyon jidenghnonhon nitthatirighwayerathaghkwe."

20. "Na-i Raxbottahyh! Nene ji onenh wakarighwakayonne ne sewarighwisahnonghkwe, ne Kayarenghkowa. Yejisewatkonseraghkwanyon onghwenjakonshon yejisewayadakeron, sewarighwisahnhonkwe ne Kayanerenhkowah. Ne sanekenh ne seweghne aerengh niyenghhenwe enyurighwadatye Kayanerenghkowah."

* * * * *

21. Eghnikonh enyerighwawetharho kenthoh, are enjonderennoden enskat enjerenokden, onenh ethone enyakohetsde onenh are enjondentyonko kanonghsakonghshon, enyairon wahhy:

22. "A-i Raxhotthahyh! Onenh jatthondek kady nonwa jinihhotiyerenh,—orighwakwekonh natehaotiya-doreghtonh, nene roneronh ne enyononghsaghniratston. A-i Raxhotthahyh! nene ronenh: 'Onen nonwa wetewayennendane; wetewennakeraghdanyon; watidewenna-karondonnyon.'"

23. "Onenh are oya eghdeshotiyadoreghdonh, nene ronenh: 'Kenkisenh nenyawenne. Aghsonh thiyenjide-watyenghsaeke, onok enjonkwanckheren.' Nene ronenh: 'Kenkine nenyawenne. Aghsonh denyakokwanentonghsaeke, onok denjontadenakarondako. Nene doka ok yadayakonakarondatye onghwenjakonh niyaonsakahawe, A-i Raxhottahyh,' none ronenh, 'da-edewenhheye onghteh, neok yadayakonakarondatye onghwenjakonh niyaonsakahawe.'"

24. "Onenh are oya eghdeshodiyadoreghtonh, nai Raxhottahyh! Nene ronenh ne enyononghsaghniratston. Nene ronengh: 'Doka onwa kenenyondatyadawenghdate, ne kenkarenyakeghrondonhah ne nayakoghstonde ne nayeghnyasakenradake, ne kenh ne iesewenh, kenkine nenyawenne. Kendenyethirentyonnite kanhonghdakde dewaghsadayenhah."

25. "Onenh are oya eghdejisewayudoreghdonh, nene isewenh: 'Yahhonghdehdeyoyanere nene kenwedewayen, onwa enyeken nonkwaderesera; kadykenh niyakoghswathah, akwekonh nityakawenonhtonh ne kenyoteranentenyonhah. Enyonterenjiok kendonsayedane akwah enyakonewarontye, onok enyerighwanendon oghnikawenhonh ne kendeyerentyonny; katykenh nenyakorane nenyerighwanendon akare onenh enyakodokenghse. Onok na entkaghwadasehhon nakonikonra, onenh are ne eh enjonkwakaronny.'"

26. "Onenh are oya eghdeshotiyadoreghdonh, nene ronenh: 'Kenkine nenyawenne. Endewaghneghdotako skarenhhesekowah, enwadonghwenjadethare eghyendewasenghte tyoghnawatenghjihonh kathonghdeh thienkahhawe; onenh denghnon dentidewaghneghdoten, onenh denghnon yaghnonwendonh thiyaensayeken nonkwateresera.'"

27. "Onenh are oya eghdeshotiyadoreghdonh, nene roneronh ne enyononghsaghniratston. Nene ronenh: 'Onenh wedewaweyennendane; wedewennakeraghdanyon. Doka nonkenh onghwajok onok enjonkwanekheren. Ken kady ne nenyawenne. Kenhendewaghnatatsherodarho ken kanakaryonniha deyunhonghdoyenghdongh yendewanaghsenghde, kennikanaghseshah, ne enyehharako ne kaneka akonikonghkahdeh. Enwadon ok jiyudakenrokde thadenyedane doghkara nentyewenninekenne enjondatenikonghketsko ne enyenikonghkwenghdarake. Onokna enjeyewendane yenjonthahida ne kayanerenghkowa.'"

28. "Onenh kady ise jadakweniyu ken Kanonghsyonny, Dekanawidah, ne deghniwenniyu ne rohhawah Odadsheghte; onenh nene yeshodonnyh Wathadodarho; onenh nene yeshohowah akahenyonh; onare nene yeshodonnyh Kanyadariyu; onenh nene yeshonarase Shadekaronyes; onenh nene onghwa kehhaghsaonhah yejodenaghstahhere kanaghsdajikowah."

* * * * *

29. Onenh jatthondek sewarihwisaanonghkwe Kayarenhkowah. Onenh wakarighwakayonne. Onenh ne oknejoskawayendon. Yetsisewanenyadanyon ne sewariwisaanonghkweh. Yejisewahhawihtonh, yetsisewennitskarahgwanyon; agwah neok ne skaendayendon. Etho yetsisewanonwadaryon. Sewarihwisaanonghkwe yetsisewahhawitonh. Yetsisewatgonseraghkwanyon sewarihwisaanonghkwe, Kayanerenhkowah.

30. Onenh kady jatthondek jadakweniyosaon sewarihwisaanonghkwe:

DEKARIHAOKESH!
Jatthontenyonk!
Jatagweniyosaon,

AYONHWAHTHA!
Jatthontenyonk!
Jatagweniyosaon,

SHATEKARIWATE!
Etho natejonhne!
Sewaterihwakhaonghkwe,
Sewarihwisaanonghkwe.
Kayanerenhkowah.

31. Jatthontenyonk!
Jatagweniyosaon,

SHARENHAOWANE!
Jatthontenyonk!
Jatagweniyosaon,

DEYONNHEHGONH!
Jatthontenyonk!
Jatagweniyosaon,

OGHRENREGOWAH!
Etho natejonhne!
Sewaterihwakhaonghkwe,
Sewarihwisaanonghkwe,
Kayanerenhkowah.

32. Jatthontenyonk!
Jatagweniyosaon,

DEHENNAKARINE!
Jatthontenyonk!
Jatagweniyosaon,

AGHSTAWENSERONTHA!
Jatthontenyonk!
Jatagweniyosaon,

SHOSGOHAROWANE!
Etho natejonhne,
Sewatarihwakhaonghkwe,
Sewarihwisaanonghkwe,
Kayanerenhkowah.

33. Ise seniyatagweniyohkwe,
Jatathawhak.
Senirighwisaanonghkwe,
Kayanerenghkowah.
Ne deseniyenah;
Seninonsyonnitonh.
Onenh katy jatthontenyonk
Jatakweniyosaon,

ODATSEGHTE!
Jatthontenyonk!
Jatakweniyosaon,

KANONHGWENYODON!
Jatthontenyonk!
Jatakweniyosaon,

DEYOHHAGWENTE!
Etho natejonhne!
Sewaterihwakhaonghkwe.
Sewarihwisaanonghkwe,
Kayanerenhkowah.

34. Jatthontenyonk!
Jatakweniyosaon,

SHONONSESE!
Jatthontenyonk!
Jatakweniyosaon,

DAONAHROKENAGH!
Jatthontenyonk!
Jatakweniyosaon.

ATYATONNENHTHA!
Etho natejonhne!
Sewaterihwakhaonghkwe,
Sewarihwisaanonghkwe,
Kayanerenhkowah.

35. Jatthontenyonk!
Jatakweniyosaon,

DEWATAHONHTENYONK!
Jatthontenyonk!
Jatakweniyosaon,

KANIYATAHSHAYONK!
Jatthontenyonk!
Jatakweniyosaon,

ONWATSATONHONH!
Etho natejonhne!
Sewaterihwakhaonghkwe,
Sewarihwisaanonghkwe,
Kayanerenhkowah.

36. Eghyesaotonnihsen:
Onenh jatthontenyonk!
Jatakweniyosaon,

THATOTARHO!
Jatthontenyonk!
Etho ronarasehsen:
Jatakweniyosaon,

ENNESERARENH!
Jatthontenyonk!
Jatakweniyosaon,

DEHATKAHTHOS!
Jatthontenyonk!
Waghontenhnonterontye.
Jatakweniyosaon,

ONYATAJIWAK!
Jatthontenyonk!
Jatakweniyosaon,

AWEKENYADE!
Jatthontenyonk!
Jatakweniyosaon,

DEHAYADKWARAYEN!
Etho natejonhne!

37. Yeshohawak:
Rokwahhokowah.
Etho kakeghrondakwe
Ne kanikonghrashon,

RONONGHWIREGHTONH!
Etho natejonhne!

38. Etho yeshotonnyh,
Tekadarakehne.

KAWENENSERONDON!

HAGHRIRON!
Etho nadehhadihne!

39. Wahhondennonterontye,

RONYENNYENNIH!

SHODAKWARASHONH!

SHAKOKENGHNE!
Etho nadejonhne!

40. Etho niyawenonh,
Karihwakayonh.
Shihonadewiraratye,
Tehhodidarakeh.
Rakowanenh,

RASERHAGHRHONK!
Etho wahhoronghyaronnyon:
Roghskenrakeghdekowah,
Rakowanenh,
Tehhotyatakarorenh,

SKANAWADYH!
Etho natejonhne!

41. Yeshohhawak,

TEKAHENYONK:
Yeshonadadekenah:

JINONTAWERAON!
Etho natejonhne!

42. KADAKWARASONH!

SHOYONWESE!

ATYASERONNE!
Etho natejonhneh!

43. Yeshondadekenah,

TEYORONGHYONKEH!

TEYODHOREGHKONH!

WATHYAWENHETHON!
Etho natejonhne!

44. ATONTARAHERHA!

TESKAHE!
Etho natejonhneh!

45. Yeshotonnyh,

SKANYADARIYO!
Yeshonaraseshen,

SHADEKARONYES!
Etho natejonhneh!

46. SATYENAWAT!
Yeshonaraseshen,

SHAKENJOWANE!
Etho natejonhneh!

47. KANOKARIH!
Yeshonarase,—onwa

NISHARYENEN!
Etho natejonhneh!

48. Onghwa keghaghshonah
Yodenaghstahhere
Kanaghstajikowah.
Yatehhotihohhataghkwen.
Etho ronaraseshen,
Yadehninhohhanonghne:

KANONGHKERIDAWYH!
Yeshonaraseshen,

TEYONINHOKARAWENH!
Etho natejonhneh!

49. Onenh watyonkwentendane
Kanikonrakeh.