The Portion of § 41 of the Life omitted in Translation.

Alia quaedam ibidem pernoctabat in oratione,1202 quam forte reperiens solam homo barbarus, accensus libidine et sui minime compos, irruit rabiosus in eam. Conuersa illa et tremefacta, suspiciens aduertit hominem plenum diabolico spiritu. "Heu," inquit, "miser, quid agis? Considera ubi es, reuerere haec sancta, defer Deo, defer seruo eius MalachiÆ, parce et tibi ipsi." Non destitit ille, furiis agitatus iniquis.1203 Et ecce (quod horribile dictu est) uenenatum et tumidum animal quod bufonem uocant uisum est reptans exire de inter femora mulieris. Quid plura? Terrefactus resiliit homo, et datis saltibus festinus oratorio exsilit. Ille confusus abscessit, et illa intacta remansit, magno quidem et Dei miraculo et merito Malachiae. Et pulchre operi foedo et abominando foedum interuenit et abominabile monstrum. Non prorsus aliter decuit bestialem extingui libidinem quam per frigidissimum uermem, nec aliter temerarium frenari ausum frustrari conatum quam per uilem inutilemque bestiolam.